ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ବଲିଉଡ ପାଇଁ କାଳ ସାଜିଛି । କାରଣ ତାଙ୍କ ମୃତ୍ୟୁ ପରେ ଅନେକ ଲୋକ ବଲିଉଡ ଉପରେ ପରିବାରବାଦ, ଗୋଷ୍ଠୀବାଦ ଭଳି ଅଭିଯୋଗ ଆଣିଛନ୍ତି । ସେପଟେ ପୋଲିସ ମଧ୍ୟ କ୍ରମାଗତ ଭାବେ ମାମଲାର ତଦନ୍ତ କରୁଛି। ଏଯାବତ ପୋଲିସ ସୁଶାନ୍ତଙ୍କ ସହ ସମ୍ପୃକ୍ତ ଥିବା ପାଖାପାଖି 28 ଲୋକଙ୍କ ବୟାନ ରେକର୍ଡ କରିସାରିଲାଣି । ଆଉ ଏବେ ଫେମସ ନିର୍ମାତା, ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀଙ୍କ ବୟାନ ରେକର୍ଡ କରାଯାଇଛି । ଯାହା ପାଇଁ ସେ ବାନ୍ଦ୍ରା ପୋଲିସ ଷ୍ଟେସନରେ ପହଞ୍ଚିଛନ୍ତି । ସଞ୍ଜୟଙ୍କ କିଛି ଫଟୋ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ହେଲେ ଏଯାବତ ସେ ବୟାନରେ କଣ କହିଛନ୍ତି ସାମ୍ନାକୁ ଆସିନାହିଁ ।
ପ୍ରକାଶ ଥାଉକି ନିକଟରେ ସଞ୍ଜୟଙ୍କୁ ପୋଲିସ ତରଫରୁ ସମନ ପଠାଯାଇଥିଲା । ଆଉ ତାଙ୍କର ଦୁଇ ଦିନ ଧରି ବୟାନ ରେକର୍ଡ କରାଯିବ । ସେ ନିଜର କିଛି ଫିଲ୍ମରେ ସୁଶାନ୍ତଙ୍କୁ ସାଇନ କରାଇଥିଲେ । ହେଲେ ପରେ କାଢିଦେଇଥିଲେ । ଯାହା ବିଷୟରେ ସ୍ପଷ୍ଟ ରୂପେ ଜାଣିବାକୁ ଚାହୁଁଛି ପୋଲିସ । ହୁଏତଃ ଏହି କାରଣ ପାଇଁ ସୁଶାନ୍ତ ଡିପ୍ରେସନରେ ଆସିଥିଲେ ।
ପ୍ରକାଶ ଥାଉକି ପୂର୍ବରୁ ସୁଶାନ୍ତଙ୍କ ଗାର୍ଲଫ୍ରେଣ୍ଡ ତଥା ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ବୟାନ ରେକର୍ଡ କରାଯାଇଥିଲା । ସେହିପରି ତାଙ୍କର ଅନେକ ବନ୍ଧୁଙ୍କ ବୟାନ ରେକର୍ଡ କରିଛି ପୋଲିସ ।
