ମୁମ୍ବାଇ: ବଲିଉଡର ସଞ୍ଜୁ ବାବା ଅର୍ଥାତ୍ ଅଭିନେତା ସଞ୍ଜୟ ଦତ୍ତ ବି-ଟାଉନର ମାଚୋ ମ୍ୟାନ ନାମରେ ମଧ୍ୟ ଜଣାଶୁଣା । କିଛି ଦିନ ପୂର୍ବରୁ ସେ ଏକ ମହଙ୍ଗା କାର କିଣି ଚର୍ଚ୍ଚାରେ ଆସିଥିଲେ । ଏବେ ସେ ନିଜର ବହୁ ପ୍ରତିକ୍ଷିତ ଫିଲ୍ମ 'କଲଙ୍କ'କୁ ନେଇ ମଧ୍ୟ ଚର୍ଚ୍ଚାରେ ଅଛନ୍ତି । ଇତିମଧ୍ୟରେ ଶୁଣିବାକୁ ମିଳୁଛି ଯେ ସେ ଖୁବ୍ ଶୀଘ୍ର ନିର୍ଦ୍ଦେଶନାରେ ପଦାର୍ପଣ କରିବେ ।
ତାଙ୍କ ଫିଲ୍ମ 'କଲଙ୍କ' ଆସନ୍ତା ଶୁକ୍ରବାର ରିଲିଜ ହେବାକୁ ଯାଉଛି । ଯାହାକୁ ନେଇ ଫ୍ୟାନ୍ସ ଖୁବ୍ ଉତ୍ସାହିତ ଅଛନ୍ତି । ଏହାବ୍ୟତୀତ ତାଙ୍କର ଅନେକ ଫିଲ୍ମ ଏବେ ଲାଇନରେ ଅଛି । ସେହି ଫିଲ୍ମ ଗୁଡିକ ହେଲା 'ପାନିପତ', 'ପ୍ରସ୍ଥାନମ' ଏବଂ 'ସମଶେରା' ।
ସେ ଖୁବ୍ ଶୀଘ୍ର ନିର୍ଦ୍ଦେଶନାରେ ଡେବ୍ୟୁ କରିବାକୁ ଯାଉଛନ୍ତି । ସେହି ପ୍ରୋଜେକ୍ଟ ଉପରେ କାମ ମଧ୍ୟ ଆରମ୍ଭ ହୋଇଯାଇଛି । ଏହି ଫିଲ୍ମରେ ନିର୍ମାଣ ସଞ୍ଜୟ ନିଜ ପ୍ରଡକ୍ସନ ହାଉସ ଅଣ୍ଡରରେ କରିବେ । ସେ ଫିଲ୍ମର କାହାଣୀକୁ ନେଇ ଖୁଲାସା ମଧ୍ୟ କରିଛନ୍ତି । ସେ କହିଛନ୍ତି କି ସେ ନିଜ ପୂର୍ବପୁରୁଷଙ୍କ ଉପରେ ଫିଲ୍ମ ତିଆରି କରିବେ ।
ତାଙ୍କ ନଜରରେ ଏକ ଐତିହାସିକ କାହାଣୀ ରହିଛି । ଯାହା ତାଙ୍କ ପୂର୍ବପୁରୁଷ ମହଲ ଉପରେ ଆଧାରିତ । ଯିଏ ହୁସୈନୀ କ୍ଷେତ୍ରିୟ ବ୍ରାହ୍ମଣ ଥିଲେ । ସେ ପ୍ୟାଗମ୍ବର ନାତୁଣୀ ପାଇଁ କରବାଲାର ଯୁଦ୍ଧ ଲଢିଥିଲେ । ଫିଲ୍ମରେ ସେ ରାହିବ ସିନ ଦତ୍ତଙ୍କ ଚରିତ୍ରରେ ନଜର ଆସିବେ । ଯିଏ ମୋହୟଲ୍ସର ମୁଖିଆ ଥିଲେ । ବର୍ତ୍ତମାନ ଫିଲ୍ମର କାହାଣୀ ଉପରେ କାମ ଚାଲିଛି ।
