ମୁମ୍ବାଇ: ଅଭିନେତ୍ରୀ ସମୀରା ରେଡ୍ଡୀଙ୍କ ଘରକୁ ଆସିଲା କୁନି ଅତିଥି । ଦୀର୍ଘ ସମୟରୁ ଫ୍ୟାନ୍ସ ତାଙ୍କ କୁନି ଅତିଥିଙ୍କୁ ଦେଖିବା ପାଇଁ ଅପେକ୍ଷା କରିବସିଥିଲେ । ଏବେ ତାଙ୍କ ଅପେକ୍ଷାର ଅନ୍ତ ଘଟିଛି । ଆଜ୍ଞା ହଁ, ଦ୍ବିତୀୟଥର ମା' ସାଜିଛନ୍ତି ସମୀରା । ଶୁକ୍ରବାର ସକାଳେ ଜନ୍ମ ହୋଇଛି ଶିଶୁ କନ୍ୟା ।
ଏହି ଖୁସି ଖବର ସୂଚନା ସମୀରା ସୋସିଆଲ ମିଡିଆ ଜରିଆରେ ଫ୍ୟାନ୍ସଙ୍କୁ ଦେଇଛନ୍ତି । ଏହାସହ ସେ ଲିଟିଲ ଆଞ୍ଜେଲଙ୍କ ଫଟୋ ମଧ୍ୟ ସେୟାର କରିଛନ୍ତି । ଯେଉଁଥିରେ କୁନି ହାତ ଧରିଥିବାର ନଜର ଆସୁଛନ୍ତି ସମୀରା ।
- " class="align-text-top noRightClick twitterSection" data="
">
ସମୀରା ସେହି ସେଲିବ୍ରିଟିଙ୍କ ମଧ୍ୟରୁ ଅନ୍ୟତମ ଯିଏ ଗର୍ଭବତୀର ସୁନ୍ଦର ଯାତ୍ରାକୁ ହୃଦୟରୁ ଏନୟଜ କରିବା ସହ ସବୁ ଅନୁଭୂତିକୁ ନିଜ ଫ୍ୟାନ୍ସଙ୍କ ସହ ମଧ୍ୟ ସେୟାର କରିଥିଲେ ।
ପ୍ରକାଶ ଥାଉକି ସମୀରା ବେବି ଗର୍ଲ ଜନ୍ମ ଦେବା ପୂର୍ବରୁ ନିଜ ବେବି ବମ୍ପର ଅନେକ ଫଟୋ ସୋସିଆଲ ମିଡିଆରେ ସେୟାର କରିଥିଲେ । ସମୀରା ଓ ତାଙ୍କ ସ୍ବାମୀ ଅକ୍ଷୟ ୱର୍ଦେଙ୍କ ପୁଅ ହଂସ ମଧ୍ୟ ଅଛନ୍ତି । ସମୀରା ଓ ଅକ୍ଷୟ 2014ରେ ବିବାହ ବନ୍ଧନରେ ଆବଦ୍ଧ ହୋଇଥିଲେ । ବିବାହ ପୂର୍ବରୁ ଦୁଇଜଣ ପରସ୍ପରକୁ ଡେଟ କରୁଥିଲେ ।
