ମୁମ୍ବାଇ: ଟେଲିଭିଜନର ସବୁଠାରୁ ଲୋକପ୍ରିୟ ସୋ ବିଗବସର 13 ତମ ସିଜନ୍ ଶେଷ ହେବା ପରଠାରୁ, 14 ତମ ସିଜନ୍ ବିଷୟରେ ସବୁବେଳେ ଚର୍ଚ୍ଚା ହେଉଛି । ପ୍ରଶଂସକମାନେ ଏହାକୁ ଉତ୍ସାହର ସହିତ ଅପେକ୍ଷା କରିଛନ୍ତି ।
ବର୍ତ୍ତମାନ ଖବର ଆସୁଛି, ବିଗବସର 14 ତମ ସିଜନ୍ ପାଇଁ ପ୍ରସ୍ତୁତି ଆରମ୍ଭ ହୋଇଛି । ପ୍ରତିଯୋଗିମାନଙ୍କୁ ଫାଇନାଲ୍ କରିବାକୁ ସେଲିବ୍ରିଟି ମାନଙ୍କୁ ଆପ୍ରୋଚ କରାଯାଉଛି ।
ତଥାପି, ଏଥର କରୋନାଭାଇରସ ହେତୁ ଟିମକୁ ଯତ୍ନର ସହ ପ୍ରସ୍ତୁତ ହେବାକୁ ପଡିବ । ଏଥିରେ ପ୍ରତିଯୋଗୀ, କ୍ୟାମେରାପର୍ସନ୍, ପିସିଆର ସହିତ ପ୍ରାୟ 300 ଲୋକମାନଙ୍କ ଆବଶ୍ୟକ ରହିଛି । କିନ୍ତୁ, କରୋନାଭାଇରସ ଯୋଗୁଁ ଏତେ ସଂଖ୍ୟକ ଲୋକଙ୍କ ସହ କାମ କରିବା କଷ୍ଟକର । ଏଭଳି ପରିସ୍ଥିତିରେ ନିର୍ମାତାମାନେ ସାମାଜିକ ଦୂରତା ପାଳନ କରି ସୁଟିଂ କରିବାକୁ ପ୍ରସ୍ତୁତ ହେଉଛନ୍ତି ।
ବିଗବସ 14 ତମ ସିଜନର ଜୁନ୍ ମାସରେ ଏକ ପ୍ରୋମୋ ରିଲିଜ୍ ହେବାର ଥିଲା, କିନ୍ତୁ ଲକଡାଉନ ଯୋଗୁଁ ଏହାକୁ ସ୍ଥଗିତ ରଖାଯାଇଥିଲା ।
ସୂଚନାମୁତାବକ, ବିଗବସର 14 ତମ ସିଜିନର ପ୍ରୋମୋକୁ ସଲମାନ ଖାନ ତାଙ୍କ ପାନଭେଲ ଫାର୍ମ ହାଉସରୁ ସୁଟିଂ କରିପାରିବେ । ଯେପରି ଅଭିନେତା ଅମିତାଭ ବଚ୍ଚନ କେବିସିର ଆଗାମୀ ସିଜିନ ପାଇଁ ଏକ ଭିଡିଓ ସୁଟ୍ କରିଥିଲେ, ସଲମାନ ମଧ୍ୟ ତାଙ୍କ ପାନଭେଲ ଫାର୍ମ ହାଉସରୁ ବିଗ୍ ବସ୍ 14ର ଘୋଷଣା କରିପାରିବେ । କ୍ରିଏଟିଭ ଟିମ ସେମାନଙ୍କ ସହିତ ଏହି ଫର୍ମାଟରେ କାମ କରୁଛନ୍ତି ।
ପ୍ରକାଶ ଥାଉ କି, ବିଗବସର 14 ତମ ସିଜନ୍ ଅକ୍ଟୋବରରେ ପ୍ରିମିୟର୍ ହୋଇପାରେ ଏବଂ ସଲମାନ ଏହାର ପ୍ରୋମୋ ଲଞ୍ଚ କରିବେ ।
