ମୁମ୍ବାଇ: ଶନିବାର ଦିନ ଦଶ ଦିନିଆ ଗଣେଶ ମହୋତ୍ସବ ଆରମ୍ଭ ହୋଇଛି । ପ୍ରତିବର୍ଷ ଏହି ପର୍ବକୁ ବଲିଉଡ ତାରକାମାନେ ବହୁ ଧୁମଧାମରେ ପାଳନ କରନ୍ତି ।
କିନ୍ତୁ, ଚଳିତବର୍ଷ କୋରୋନା ହେତୁ ଏଥର ସମସ୍ତ ତାରକା ଗଣପତିଙ୍କ ମୂର୍ତ୍ତି ନିଜ ଘରକୁ ଆଣିଥିଲେ ଏବଂ ସୋସିଆଲ ମିଡିଆ ମାଧ୍ୟମରେ ସେମାନଙ୍କ ପ୍ରଶଂସକଙ୍କୁ ଶୁଭେଚ୍ଛା ଜଣାଇଥିଲେ ।
ଏହି ଅବସରରେ ବଲିଉଡର ସୁପରଷ୍ଟାର ସଲମାନ ଖାନ ମଧ୍ୟ ଗଣପତିଙ୍କ ମୂର୍ତ୍ତି ଘରକୁ ଆଣି ପରିବାର ସହିତ ଗଣେଶ ପୂଜା ସେଲିବ୍ରେସନ କରିଥିଲେ ।
ଏହି ସମୟରେ ସଲମାନଙ୍କ ଭିଣୋଇ ଅତୁଲ ଅଗ୍ନିହୋତ୍ରୀ ଏକ ଭିଡିଓ ସେୟାର କରିଛନ୍ତି । ଯାହା ବହୁତ ଭାଇରାଲ ହେଉଛି ।
ଭିଡିଓରେ ସଲମାନ ପିତା ସଲିମ ଖାନ, ସଲମା, ହେଲେନ, ଅରବାଜ ଖାନ, ସୋହେଲ ଖାନ ଏବଂ ପରିବାରର ଅନ୍ୟ ସଦସ୍ୟ ଗଣେଶଙ୍କ ଆରତୀ କରୁଥିବାର ନଜର ଆସିଛନ୍ତି ।
ଭାଇଜାନଙ୍କର ପ୍ରଶଂସକମାନେ ସୋସିଆଲ ମିଡିଆରେ ଏହି ଭିଡିଓକୁ ବହୁତ ପସନ୍ଦ କରୁଛନ୍ତି ।
ଏଥି ସହିତ ଅର୍ପିତାଙ୍କ ସ୍ୱାମୀ ଆୟୁଷ ମଧ୍ୟ ତାଙ୍କର ଦୁଇ ସନ୍ତାନର ଫଟୋ ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି । ଫଟୋରେ ଉଭୟ ଗଣପତିଙ୍କ ପ୍ରତିମା ସାମ୍ନାରେ ବସିଛନ୍ତି ।
ଆଗାମୀ ସମୟରେ ସଲମାନ ଫିଲ୍ମ ରାଧେ ଏବଂ କଭି ଇଦ୍ କଭୀ ଦିୱାଲୀରେ ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
