ମୁମ୍ବାଇ: ସୁପରଷ୍ଟାର ସଲମାନଙ୍କ ଫ୍ୟାନ୍ସ ତାଙ୍କ ଆଗାମୀ ଚର୍ଚ୍ଚିତ ଫିଲ୍ମ ‘ଦବଙ୍ଗ 3’ ଦେଖିବାକୁ ବ୍ୟାକୁଳ । ଫିଲ୍ମକୁ ନେଇ ଦିନକୁ ଦିନ ଦର୍ଶକଙ୍କ ଏକ୍ସାଇଟମେଣ୍ଟ ବଢିବାରେ ଲାଗିଛି । ଆଉ ଏମିତିରେ ସଲମାନ ମଧ୍ୟ ପ୍ରଶଂସକଙ୍କ ଉତ୍ସାହ ବଢାଇବାରେ କୌଣସି କାର୍ଯ୍ୟ ଛାଡୁନାହାଁନ୍ତି । ସେ ‘ଦବଙ୍ଗ 3’ର ଅଡିଓ ଗୀତ ଗୋଟିଏ ଗୋଟିଏ କରି ରିଲିଜ କରିବାରେ ଲାଗିଛନ୍ତି । ମଙ୍ଗଳବାର ମଧ୍ୟ ଫିଲ୍ମର ବହୁପ୍ରତିକ୍ଷିତ ରୋମାଣ୍ଟିକ ଗୀତ ‘ଆୱାରା’ ରିଲିଜ କରାଯାଇଥିଲା । ଯାହା ବର୍ତ୍ତମାନ ୟୁଟ୍ୟୁବରେ ଛାଇ ଯାଇଛି।
ବର୍ତ୍ତମାନ ‘ଆୱାରା’ ଗୀତଟି ଅଡିଓ ଭର୍ସନରେ ରିଲିଜ କରାଯାଇଛି । କିନ୍ତୁ ଗୀତରେ ଯେଉଁ ଫଟୋ ଦେଖିବାକୁ ମିଳୁଛି, ସେଥିରେ ସଲମାନ ନବାଗତ ଅଭିନେତ୍ରୀ ସାଈ ମାଞ୍ଜେରକରଙ୍କ ସହ ରୋମାନ୍ସ କରୁଥିବାର ଦେଖାଯାଉଛନ୍ତି । ଗୀତଟି ଦର୍ଶକଙ୍କୁ ଏତେ ପସନ୍ଦ ଆସିଛି ଯେ ରିଲିଜ ହେବା ମାତ୍ରେ 22 ଲକ୍ଷରୁ ଅଧିକଥର ଏହାକୁ ୟୁଟ୍ୟୁବରେ ଶୁଣା ସରିଲାଣି ।
ଗୀତଟିକୁ ଫ୍ୟାନ୍ସଙ୍କ ପାଇଁ ସୋସିଆଲ ମିଡିଆରେ ସେୟାର କରି ସଲମାନ କ୍ୟାପସନରେ ଲେଖିଛନ୍ତି, ‘ପୂର୍ବେ ପ୍ରେମର ପରିଭାଷା କିଛି ଭିନ୍ନ ଥିଲା, ଶୁଣନ୍ତି ଦବଙ୍ଗ 3ର ନୂଆ ଗୀତ ଆୱାରା’ । ଏହି ଗୀତରେ ସଙ୍ଗୀତ ସାଜିଦ ବାଜିଦ ଦେଇଥିବା ବେଳେ ଏହାକୁ ଗାଇଛନ୍ତି ସଲମାନ ଅଲ୍ଲୀ ଓ ମୁସକାନ।
- " class="align-text-top noRightClick twitterSection" data="">
ପ୍ରକାଶ ଥାଉକି ‘ଦବଙ୍ଗ 3’ରେ ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି କୋରିଓଗ୍ରାଫର ତଥା ଅଭିନେତା ପ୍ରଭୁଦେବା । ସେହିପରି ଫିଲ୍ମଟି ଅରବାଜ ଖାନ, ନିଖିଲ ଦ୍ବିବେଦୀଙ୍କ ଦ୍ବାରା ନିର୍ମିତ । ଆସନ୍ତା ମାସ 20ରେ ରିଲିଜ ହେବାକୁ ଯାଉଛି ଏହି ଫିଲ୍ମ।
