ମୁମ୍ବାଇ: ଟେଲି ଜଗତର ପପୁଲାର ରିୟାଲିଟି ଶୋ ବିଗ ବସ 13କୁ ନେଇ ଖୁବ୍ ଚର୍ଚ୍ଚା । ଶୋର ହୋଷ୍ଟ ଏବଂ ସମସ୍ତଙ୍କର ଫେଭରେଟ ସଲମାନ ଖାନ ଅନେକ ଥର ଶୋରେ ପ୍ରତିଯୋଗୀଙ୍କ କ୍ଲାସ ନେଇଥିବାର ନଜର ଆସିସାରିଛନ୍ତି । ନିକଟରେ କଲର୍ସ ଚ୍ୟାନେଲ ତରଫରୁ ଇନଷ୍ଟା ଆକାଉଣ୍ଟରେ ‘ୱିକେଣ୍ଡ କେ ୱାର’ ଏକ ପ୍ରୋମୋ ଭିଡିଓ ସେୟାର କରାଯାଇଥିଲା । ଯେଉଁଥିରେ ଦେଖିବାକୁ ମିଳିଥିଲା କି ସଲମାନ କୌଣସି କଥାକୁ ନେଇ ଏତେ କ୍ରୋଧିତ ହୋଇଯାଇଛନ୍ତି ଯେ ଷ୍ଟେଜ ଛାଡି ପଳାଉଛନ୍ତି । ଆଉ ମେକର୍ସଙ୍କୁ ଏହା ମଧ୍ୟ କହୁଛନ୍ତି କି ତାଙ୍କ ସ୍ଥାନରେ ଆଉ କାହାକୁ ଶୋର ହୋଷ୍ଟିଂ କରାଇ ନେବାକୁ ।
ବିଗ ବସ ହାଉସର ଜଣେ ପ୍ରତିଯୋଗୀଙ୍କ ଉପରେ ରାଗି ସଲମାନ ଏମିତି କରିଥିଲେ । ଆଉ କହିଥିଲେ ଯେ ଆପଣ ଏହାକୁ ମଜାକ ଭାବି ଖେଳୁଛ କିନ୍ତୁ ସବୁ ଜିନିଷ ମଜାକ ହୋଇନଥାଏ କିଛି ଜିନିଷ ସିରିୟସ ମଧ୍ୟ ଥାଏ । ଏହାପରେ ସଲମାନ ନିଜ କୋଟ ଓହ୍ଲାଇ ରାଗରେ ପଳାଉଛନ୍ତି ।
ଅନ୍ୟପଟେ ସେହି ଏପିସୋଡ ସହ ସମ୍ପୃକ୍ତ ଥିବା ଆଉ ଏକ ଭିଡିଓ ମଧ୍ୟ କଲର୍ସ ଚ୍ୟାନେଲର ଇନଷ୍ଟାଗ୍ରାମରେ ସେୟାର କରାଯାଇଥିଲା । ଯେଉଁଥିରେ ସଲମାନ ‘ମେଡ ଇନ ଚାଇନା’ର ଷ୍ଟାରକାଷ୍ଟ ରାଜକୁମାର ରାଓ ଓ ମୌନୀ ରାୟଙ୍କ ସହ ମସ୍ତି-ମଜାକ କରୁଥିବାର ନଜର ଆସିଛନ୍ତି ।
