ମୁମ୍ବାଇ: ସଲମାନ ଖାନ ଓ ବିବାଦ ପରସ୍ପର ସହ ଜଡିତ । ସେ ପ୍ରାୟତଃ କୌଣସି ନା କୌଣସି କାରଣ ପାଇଁ ସମସ୍ୟା ଘେରରେ ଆସିଯାଆନ୍ତି । ଏବେ ସେ ନିଜର ବହୁପ୍ରତୀକ୍ଷିତ ଫିଲ୍ମ ‘ଦବଙ୍ଗ 3’ ପାଇଁ ବିବାଦରେ । ନିକଟରେ ହିନ୍ଦୁ ଜନଜାଗୃତି ସମିତି ପକ୍ଷରୁ ଫିଲ୍ମର ଟାଇଟଲ ଟ୍ରାକ ‘ହୁଡ ହୁଡ ଦବଙ୍ଗ’ ଉପରେ ଆପତ୍ତି ପ୍ରକାଶ କରାଯିବା ସହ ସିବିଏଫସିରେ ଏହାକୁ ହଟାଇବା ପାଇଁ ଦାବି କରାଯାଇଥିଲା ।
ଏବେ ସୋସିଆଲ ମିଡିଆରେ ୟୁଜର୍ସ ଏହି ଗୀତର ଆଲୋଚନା କରୁଥିବାର ନଜର ଆସୁଛନ୍ତି । ବର୍ତ୍ତମାନ ସୋସିଆଲ ମିଡିଆରେ #BoycottDabangg3 ଟ୍ରେଣ୍ଡ ମଧ୍ୟ କରୁଛି । ଏହି ହ୍ୟାଶଟ୍ୟାଗ ପାଇଁ ଦବଙ୍ଗ ବୟ ମଧ୍ୟ ଚର୍ଚ୍ଚାର ବିଷୟ ପାଲଟିଛନ୍ତି । ୟୁଜର୍ସଙ୍କ ଅନୁଯାୟୀ ଗୀତରେ ନାଗା ସାଧୁ ନାଚୁଥିବାର ନଜର ଆସୁଛନ୍ତି । ଯାହା ଆମ ଧର୍ମ ଏବଂ ହିନ୍ଦୁସ୍ତାନର ଅପମାନ କରିବା ଭଳି କଥା।
ଫିଲ୍ମ ପାଇଁ କେବଳ ସଲମାନଙ୍କୁ ୟୁଜର୍ସ ଟାର୍ଗେଟ କରିନାହାଁନ୍ତି । ବଲିଉଡର ଅନ୍ୟ କଳାକାରଙ୍କ ମଧ୍ୟ ଆଲୋଚନା କରିବାରେ ଲାଗିଛନ୍ତି ୟୁଜର୍ସ । ସେହିପରି ଟ୍ବିଟରରେ ଏବେ ୟୁଜର୍ସଙ୍କ ଟ୍ବିଟର ଝଡ ଦେଖିବାକୁ ମିଳୁଛି । ପ୍ରଭୁ ଦେବାଙ୍କ ନିର୍ଦ୍ଦେଶିତ ଏହି ଫିଲ୍ମରେ ସଲମାନଙ୍କ ସହ ଦବଙ୍ଗ ଗାର୍ଲ ସୋନାକ୍ଷୀ ସିହ୍ନା, ଅରବାଜ ଖାନ, କିଚ୍ଚା ସୁଦୀପ ମୁଖ୍ୟ ଭୂମିକାରେ ନଜର ଆସିବେ। ଫିଲ୍ମଟି ଆସନ୍ତା ମାସ 6 ତାରିଖରେ ରିଲିଜ ହେବାକୁ ଯାଉଛି।
