ମୁମ୍ବାଇ: ଆଜିକାଲି ନିର୍ଦ୍ଦେଶକ ନବଦୀପ ସିଂଙ୍କ ନିର୍ଦ୍ଦେଶିତ ଫିଲ୍ମ ‘ଲାଲ କପ୍ତାନ’କୁ ନେଇ ଚର୍ଚ୍ଚାରେ ଛୋଟେ ନୱାବ ସୈଫ ଅଲ୍ଲୀ ଖାନ । ଫିଲ୍ମରେ ପ୍ରଥମଥର ନାଗା ସାଧୁ ଭୂମିକାରେ ନଜର ଆସିବେ । ଯିଏ ନିଜ ପ୍ରତିଶୋଧ ନେବା ପାଇଁ ଶତ୍ରୁ ସଂହାର ମଧ୍ୟ କରିବେ । ଫିଲ୍ମରେ ସୈଫଙ୍କ ଭିନ୍ନ ଭିନ୍ନ ଗେଟଅପକୁ ନେଇ ଖୁବ୍ ପ୍ରଶଂସା କରାଯାଉଛି ।
ଇତିମଧ୍ୟରେ ତାଙ୍କ ଫ୍ୟାନ୍ସଙ୍କ ପାଇଁ ଏକ ନୈରାଶଜନ ଖବର ସାମ୍ନାକୁ ଆସିଛି । ସୋସିଆଲ ମିଡିଆରେ ତାଙ୍କ ଏକ ଭୟାନକ ଫଟୋ ଦେଖିବାକୁ ମିଳୁଛି । ଯେଉଁଥିରେ ସୈଫ ଗୁରୁତର ଅବସ୍ଥାରେ ନଜର ଆସୁଛନ୍ତି । ତାଙ୍କ ଚେହେରାରେ ଅନେକ ସ୍ଥାନରେ ଆଘାତର ଚିହ୍ନ ସ୍ପଷ୍ଟ ରୂପେ ଦେଖାଯାଉଛି ।
ଖାଲି ଏତିକି ନୁହେଁ ସୈଫଙ୍କ ଗୋଟି ଆଖିରେ ମଧ୍ୟ ଆଘାତ ଲାଗିଛି । ଯାହାକୁ ଦେଖି ଫ୍ୟାନ୍ସ ଆଶ୍ଚର୍ଯ୍ୟ ହୋଇଯିବେ । ଯଦି ଆପଣ ମଧ୍ୟ ସୈଫ ଏହି ଫଟୋ ଦେଖି ଚିନ୍ତାରେ ଅଛନ୍ତି । ତେବେ ଜଣାଇ ଦେଉଛୁ ଯେ ସୈଫ ଏକଦମ ଠିକ୍ ଅଛନ୍ତି। କାରଣ ତାଙ୍କ ଚେହେରାରେ ଯେଉଁ ଘାଆର ଦାଗ ଅଛି ତାହା ଅସଲି ନୁହେଁ । ସେ ‘ଲାଲ କପ୍ତାନ’ର ଲୁକ ଧାରଣ କରି ସେଟରେ ବସିଥିବାର ଫଟୋ ଭାଇରାଲ ହୋଇଛି । ତାଙ୍କର ଏହି ଫଟୋକୁ ବଲିଉଡ କ୍ୟାମେରାମ୍ୟାନ ବିରଲ ଭିବାନୀ ଇନଷ୍ଟାଗ୍ରାମରେ ସେୟାର କରିଛନ୍ତି।
