ହାଇଦ୍ରାବାଦ: କରଣ ଜୋହର ଏବେ ଲଭ ଷ୍ଟୋରୀ ଛାଡି ହରର ଫିଲ୍ମ ଆଡକୁ ମନ ବଳାଇଛନ୍ତି । ପ୍ରଥମ ଥର ହରର ଫିଲ୍ମ ‘ଭୁତ: ପାର୍ଟ ୱାନ’ନେଇ ଆସୁଛନ୍ତି କରନ ଓ ମଜାଦାର କଥା ହେଲା ଭିକି କୌଶଲ ଏଥିରେ ପ୍ରଥମ ଥର ପାଇଁ କୌଣସି ହରର ଫିଲ୍ମରେ ନଜର ଆସିବେ ।
ଦର୍ଶକ ଏଥର ‘ହଣ୍ଟେଡ ଶିପ୍’ର ଯାତ୍ରା କରିବେ । ନିର୍ମାତା ଫିଲ୍ମର ପ୍ରଥମ ପୋଷ୍ଟର ରିଲିଜ କରିଛନ୍ତି । ଏଥିରେ ଭିକିଙ୍କୁ ଡରୁଥିବାର ଦେଖିବାକୁ ମିଳିଛି । ଫିଲ୍ମରେ ଭିକିଙ୍କ ସହ ଭୂମି ପେଡନେକରଙ୍କୁ ମଧ୍ୟ ଦେଖିବାକୁ ମିଳିବ । ଫିଲ୍ମ ଜରିଆରେ ଭାନୁ ପ୍ରତାପ ସିଂହ ନିର୍ଦ୍ଦେଶନା କ୍ଷେତ୍ରରେ ଡେବ୍ୟୁ କରିବେ ।
ଗତ ଶନିବାର କରଣ ଜୋହର ଏହି ହରର ଫିଲ୍ମ ବିଷୟରେ ସୂଚନା ଦେଇଥିଲେ । ତେବେ ଫିଲ୍ମଟି ଚଳିତ ବର୍ଷ ନଭେମ୍ବର 15ରେ ରିଲିଜ ହେବ ।
