ହାଇଦ୍ରାବାଦ: ରଣବୀରଙ୍କୁ ଖୁବ ଶୀଘ୍ର ଗୁଜୁରାଟୀ ଚରିତ୍ରରେ ଦେଖିବାକୁ ମିଳିବ । ୟଶରାଜ ବ୍ୟାନରରେ ତିଆରି ହେବ ଫିଲ୍ମ ‘ଜୟେଶଭାଇ ଜୋରଦାର’ । ପ୍ରଥମଥର ପାଇଁ ଫିଲ୍ମର ନିର୍ଦ୍ଦେଶନା ଭାର ସମ୍ଭାଳିବେ ଦିବ୍ୟାଙ୍ଗ ଠାକରେ ।
ଇନଷ୍ଟାଗ୍ରାମରେ ଏକ ଭିଡିଓ ପୋଷ୍ଟ କରି ଫିଲ୍ମ ବିଷୟରେ ଜଣାଇଛନ୍ତି ନିଜେ ରଣବୀର । ତେବେ ରଣବୀର ଫିଲ୍ମ ‘83’ ସୁଟିଂରେ ବ୍ୟସ୍ତ ଅଛନ୍ତି । ଫିଲ୍ମଟି କପିଲ ଦେବଙ୍କ ଜୀବନୀକୁ ନେଇ ପ୍ରସ୍ତୁତ ହୋଇଛି । ଏଥିରେ କପିଲ ଦେବଙ୍କ ଭୂମିକାରେ ନଜର ଆସିବେ ରଣବୀର । ଫିଲ୍ମକୁ ନିର୍ଦ୍ଦେଶନା ଦେଉଛନ୍ତି କବିର ଖାନ ।
ତେବେ ‘ଜୟେଶଭାଇ ଜୋରଦାର’ବିଷୟରେ ରଣବୀର କହିଥିଲେ, ଏହା ଏକ ଚମତ୍କାର କାହାଣୀ । ଅକ୍ଟୋବର ମାସରେ ଗୁଜୁରାଟରେ ଏହାର ସୁଟିଂ ଆରମ୍ଭ ହେବ । ଏହାକୁ ପ୍ରଯୋଜନା ଦେବେ ମନିଷ ଶର୍ମା ।
