ମୁମ୍ବାଇ: କୁଇନ କଙ୍ଗନା ରଣାୱତଙ୍କ ଭଉଣୀ ରଙ୍ଗୋଲୀ ଚାନ୍ଦେଲ ସବୁବେଳେ ନିଜ ବିବାଦୀୟ ବୟାନ ପାଇଁ ଚର୍ଚ୍ଚାରେ ରହିଥାଆନ୍ତି । ସେ ଟ୍ବିଟରରେ ନେତାଙ୍କଠୁ ନେଇ ସେଲିବ୍ରିଟିଙ୍କ ବିରୋଧରେ ଟ୍ବିଟ କରୁଥିବାର ପ୍ରାୟତଃ ନଜର ଆସନ୍ତି। ପୁଣିଥରେ ଏମିତି ଦେଖିବାକୁ ମିଳୁଛି। ସେ ମଙ୍ଗଳବାର ସୁପରଷ୍ଟାର ହ୍ରିତିକ ରୋଶନଙ୍କୁ ଟାର୍ଗେଟ କରିଥିଲେ।
ସେ ଟ୍ବିଟରେ ହ୍ରିତିକଙ୍କ ସହ ଏକ ପୁରୁଣା ଫଟୋ ସେୟାର କରି ଲେଖିଛନ୍ତି, ‘ଏହା ଦେଖନ୍ତୁ ପପୁ ଜି, ସବୁବେଳେ ମତେ ଇମ୍ପ୍ରେସ କରିବାରେ ଲାଗିଥିଲା । ଯାହାଦ୍ବାରା ସେ ମୋ ଭଉଣୀଙ୍କ ଗୁଡବୁକ୍ସରେ ଆସିଥାଆନ୍ତେ। ଆଜି କହୁଛନ୍ତି ହମ ଆପକେ ହେଁ କୌନ ?’
ପ୍ରକାଶ ଥାଉକି ଦୁଇ, ତିନି ବର୍ଷ ପୂର୍ବେ ହ୍ରିତିକ ଓ କଙ୍ଗନା ରିଲେସନଶିପ ପାଇଁ ଖୁବ୍ ଚର୍ଚ୍ଚାରେ ଆସିଥିଲେ । ଯାହା ଉପରେ ରଙ୍ଗୋଲୀ ଅନେକଥର ଟ୍ବିଟ ମଧ୍ୟ କରିସାରିଛନ୍ତି। ଏକଦା ପରସ୍ପରକୁ ଡେଟ କରୁଥିବା ଏହି ଯୋଡି ବ୍ରେକଅପ ପରେ ପରସ୍ପର ବିରୋଧରେ ଟିପ୍ପଣୀ କରିଥିଲେ।
