ମୁମ୍ବାଇ: 'ଲୁକା ଛୁପି' ଫିଲ୍ମରେ ଅଭିନୟ କରି ଫ୍ୟାନ୍ସଙ୍କୁ ଦିୱାନା କରିଥିବା କିର୍ତ୍ତୀ ସାନନ ବର୍ତ୍ତମାନ ବଲିଉଡର ଟପ ଅଭିନେତ୍ରୀଙ୍କ ତାଲିକାରେ ସାମିଲ ହୋଇସାରିଲେଣି । ସେ ଖୁବ୍ ଶୀଘ୍ର ରାହୁଲ ଢୋଲକିୟାଙ୍କ ନିର୍ଦ୍ଦେଶନାରେ ତିଆରି ହେବାକୁ ଯାଉଥିବା ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ । ଏଜର ଏନଣ୍ଟରନେଟମେଣ୍ଟ ପାଇଁ ସୁନୀର ଖେତପାଲ ଏହି ଫିଲ୍ମର ନିର୍ମାଣ କରିବେ ।
ଫିଲ୍ମର ଟାଇଟଲ ଏଯାବତ ସ୍ଥିର ହୋଇନାହିଁ । ଗୋଟିଏ ପରି ଗୋଟିଏ ହିଟ୍ ଫିଲ୍ମ ଦେଇଥିବା କିର୍ତ୍ତୀ ଦୀର୍ଘ ସମୟରୁ ମହିଳା କେନ୍ଦ୍ରିତ ଥ୍ରିଲର ଫିଲ୍ମରେ କାମ କରିବାକୁ ଚାହୁଁଥିଲେ ।
ଏହି ଅବସରରେ ସେ କହିଛନ୍ତି କି ମହିଳା କେନ୍ଦ୍ରିତ ଥ୍ରିଲର ଫିଲ୍ମରେ କାମ କରିବାକୁ ସେ ଦୀର୍ଘ ସମୟରୁ ଅପେକ୍ଷା କରିଥିଲେ । ଏବେ ତାଙ୍କ ସ୍ବପ୍ନ ପୂରଣ ହେବାକୁ ଯାଉଛି । ଏହି ଫିଲ୍ମରେ କମର୍ଶିଆଲ ଫିଲ୍ମର ସବୁ ତତ୍ତ୍ବ ସାମିଲ ଅଛି । ଏହା ଦର୍ଶକଙ୍କ ମନୋରଞ୍ଜନ କରିବା ସହ ହୃଦୟ ଜିତିଲା ଭଳି କାହାଣୀ ଉପରେ ଆଧାରିତ ।
ଜଣାଇ ଦେଉଛୁ ଯେ ଫିଲ୍ମରେ ସେ ଜଣେ ମିଡିଆ କର୍ମୀ ଭୂମିକାରେ ନଜର ଆସିବେ । ଯାହା ପାଇଁ ପ୍ରସ୍ତୁତି ପୂର୍ବରୁ ଆରମ୍ଭ କରିଦେଇଛନ୍ତି ସେ । ଫିଲ୍ମର ସୁଟିଂ ଅଗଷ୍ଟରେ ଆରମ୍ଭ ହେବ ।
ପ୍ରକାଶ ଥାଉକି ଏବର୍ଷ କିର୍ତ୍ତୀଙ୍କ ଆଉ ତିନୋଟି ଫିଲ୍ମ 'ଅର୍ଜୁନ ପଟିୟାଲା', 'ହାଉସଫୁଲ-4' ଏବଂ ଆଶୁତୋଷ ଗୋୱାରିକରଙ୍କ 'ପାନିପତ' ରିଲିଜ ହେବ । ଯାହାକୁ ନେଇ ତାଙ୍କ ଫ୍ୟାନ୍ସ ଖୁବ୍ ଉତ୍ସାହିତ ।
