ହାଇଦ୍ରାବାଦ: ଚାଲିଛି ପପୁଲାର କାନ୍ସ ଫେଷ୍ଟିଭାଲ । ଏଥିରେ ଦୀପିକା, କଙ୍ଗନାଙ୍କଠୁ ଆରମ୍ଭ କରି ବିଶ୍ବର ବଡ ବଡ ସେଲିବ୍ରିଟୀମାନେ ଏଥିରେ ଯୋଗ ଦେଇଛନ୍ତି । ତେବେ ଦେଶୀ ଗାର୍ଲ ପ୍ରିୟଙ୍କା ମଧ୍ୟ ପଛରେ ନାହାଁନ୍ତି । ରେଡ କାର୍ପେଟରେ ନିଜ ଜଲୱା ଦେଖାଇସାରିଥିବା ପ୍ରିୟଙ୍କା ଏବେ ନିଜ ପତିଙ୍କ ସହ କାନ୍ସକୁ କାଫି ଉପଭୋଗ କରୁଛନ୍ତି ।
କାନ୍ସ ରେଡ କାର୍ପେଟ ଛଡା ଅନ୍ୟ ଡିନର ପାର୍ଟି, ପ୍ରମୋଶନ ଆଦିରେ ମଧ୍ୟ ଯୋଗ ଦେଉଛନ୍ତି ପ୍ରିୟଙ୍କା । ସେପରି ଏକ ପ୍ରମୋଶନ ପାର୍ଟିରେ ଜଣେ ବ୍ୟକ୍ତି ସହ ଅତି ନିକଟତର ହୋଇ ଫଟୋ ପୋଜ ଦେଇଛନ୍ତି ପ୍ରିୟଙ୍କା । ତେବେ ସୋସିଆଲ ମିଡିଆରେ ଫଟୋ ଭାଇରାଲ ହେବା ପରେ ସମସ୍ତେ ଜାଣିବାକୁ ଚାହିଁଛନ୍ତି ସେ ବ୍ୟକ୍ତି ଜଣକ କିଏ । ତେବେ ଏହି ବ୍ୟକ୍ତିଜଣକ କିଏ, ଏନେଇ କିଛି ଜଣାପଡିନଥିଲେ ମଧ୍ୟ ସେ ତାଙ୍କର ଷ୍ଟାଇଲିଷ୍ଟ ବୋଲି ଶୁଣିବାକୁ ମିଳୁଛି ।
ତେବେ ଏହି ପାର୍ଟିରେ ପତି ନିକଙ୍କ ସହ ଆସିଥିଲେ ପ୍ରିୟଙ୍କା । ମେଟାଲିକ ବ୍ଲାକ ସର୍ଟ ଗାଉନ ସହ କପର ସେଡ୍ ମେକଅପ ପ୍ରିୟଙ୍କାଙ୍କୁ କାଫି ମାନୁଥିଲା । ଏହାସହ ନିକ ବ୍ରାଉନ କଲର ଜ୍ୟାକେଟରେ ନଜର ଆସିଥିଲେ । ତେବେ ଏହା ପୂର୍ବରୁ ନିକଙ୍କ ଏକ୍ସଗର୍ଲଫ୍ରେଣ୍ଡ ସହ ଏକ ଫଟୋ ଭାଇରାଲ ହୋଇଥିଲା କିନ୍ତୁ ପରେ ଜାଣିବାକୁ ମିଳିଥିଲା ଏହା ଏକ ଫେକ ଫଟୋ ।
