ମୁମ୍ବାଇ: ରବିବାର ସନ୍ଧ୍ୟାରେ ଆମେରିକାର ଲସ ଆଞ୍ଜେଲସରେ ଆୟୋଜିତ ହୋଇଯାଇଛି 92ତମ ଓସ୍କାର ଆୱାର୍ଡ୍ସ ଶୋ। ସାମ୍ନାକୁ ମଧ୍ୟ ଆସି ଆସିଯାଇଛି ବିଜେତା ତାଲିକା । ହେଲେ ସବୁବେଳେ ହଲିଉଡ ଇଭେଣ୍ଟରେ ନଜର ଆସୁଥିବା ଗ୍ଲୋବାଲ ଆଇକନ ପ୍ରିୟଙ୍କା ଚୋପ୍ରାଙ୍କୁ ଏଥର ଏହି ଇଭେଣ୍ଟରେ ଦେଖିବାକୁ ମିଳିନଥିଲା । ଯାହାକୁ ନେଇ ନିରାଶ ହୋଇଯାଇଥିଲେ ତାଙ୍କ ଫ୍ୟାନ୍ସ ।
ପ୍ରିୟଙ୍କା ସୋମବାର ସୋସିଆଲ ମିଡିଆରେ 92ତମ ଓସ୍କାର ଆୱାର୍ଡରେ ସାମିଲ ନହେବାର ସୂଚନା ଦେଇଛନ୍ତି। ସେ ଟ୍ବିଟ କରି ଲେଖିଛନ୍ତି, ‘ଏଥର ମୁଁ ଏକାଡେମୀ ଆୱାର୍ଡ୍ସର ଅଂଶ ହୋଇପାରିନାହିଁ । ହେଲେ ଆପଣଙ୍କ ସହ ଓସ୍କାର ଆୱାର୍ଡ୍ସ ଦେଖିବି । ମୋତେ କୁହନ୍ତୁ ଆପଣ କାହାକୁ ସପୋର୍ଟ କରୁଛନ୍ତି । #PCOscarParty.’
ପ୍ରକାଶ ଥାଉକି ନିକଟରେ ତାଙ୍କ ଗ୍ରାମୀ ଆୱାର୍ଡ୍ସ ଲୁକ ସୋସିଆଲ ମିଡିଆରେ ଚହଳ ସୃଷ୍ଟି କରିଥିଲେ। ଯାହାପରେ ପ୍ରାୟ ସମସ୍ତେ ତାଙ୍କ ଡ୍ରେସକୁ ନେଇ ଟ୍ରୋଲ କରିଥିଲେ । ହେଲେ ତାଙ୍କ ଫ୍ୟାନ୍ସଙ୍କ ଡ୍ରେସ ଜରିଆରେ ମନ କିଣିଥିଲେ ସେ।
