ମୁମ୍ବାଇ: 'ବାହୁବଳୀ-2' ପରେ ତେଲୁଗୁ ସୁପରଷ୍ଟାର ପ୍ରଭାସ ଫିଲ୍ମ 'ସାହୋ'ର ସୁଟିଂରେ ଲାଗିଯାଇଥିଲେ । ତାଙ୍କର ଏହି ଫିଲ୍ମକୁ ନେଇ ଦର୍ଶକ ମଧ୍ୟ ଖୁବ୍ ଏକ୍ସାଇଟେଡ ଅଛନ୍ତି । ଏଯାବତ ଫିଲ୍ମର କିଛି ପୋଷ୍ଟର ଏବଂ ବିହାଇଣ୍ଡ ସିନ୍ସର କିଛି ଭିଡିଓ ସାମ୍ନାକୁ ଆସିସାରିଛି । ତଥାପି ଫିଲ୍ମର ଗୋଟିଏ ଝଲକ ଦେଖିବା ପାଇଁ ଦର୍ଶକ ଅପେକ୍ଷା କରିବସିଛନ୍ତି । ଏବେ ଦର୍ଶକଙ୍କ ଅପେକ୍ଷାର ଅନ୍ତ ଘଟିବାକୁ ଯାଉଛି ।
- " class="align-text-top noRightClick twitterSection" data="View this post on Instagram
The teaser is out on June 13th! #SAAHO #15thAugWithSaaho @actorprabhas @sujeethsign ❤️🖤
">
କାରଣ ଆଉ ତିନି ଦିନ ଅର୍ଥାତ୍ ଜୁନ 13ରେ ଫିଲ୍ମରେ ଟିଜର ରିଲିଜ ହେବ ବୋଲି ଘୋଷଣା ହୋଇଯାଇଛି । ଆଜି ଫିଲ୍ମର ଏକ ନୂଆ ପୋଷ୍ଟର ରିଲିଜ ହୋଇଛି । ଯେଉଁଥିରେ ଫିଲ୍ମର ଟିଜର ରିଲିଜ ତାରିଖ ଘୋଷଣା କରାଯାଇଛି ।
ଏହି ନୂଆ ପୋଷ୍ଟରରେ ଫିଲ୍ମର ମୁଖ୍ୟ ଅଭିନେତ୍ରୀ ଶ୍ରଦ୍ଧା କପୁରଙ୍କ ଆକ୍ସନ ଅବତାର ଦେଖିବାକୁ ମିଳୁଛି । ହାତରେ ବନ୍ଧୁକ ଧରି ପୋଷ୍ଟରେ ନଜର ଆସୁଛନ୍ତି ଶ୍ରଦ୍ଧା ।
ଏହି ଅବସରରେ ସେ ପୋଷ୍ଟରଟିକୁ ଟ୍ବିଟରରେ ସେୟାର କରି କ୍ୟାପସନରେ ଲେଖିଛନ୍ତି, "ଫିଲ୍ମ ଟିଜର ଜୁନ 13ରେ ରିଲିଜ ହେବାକୁ ଯାଉଛି । ଆଉ ଅଳ୍ପ ଦିନ ରହିଲା ।"
'ସାହୋ' ଫିଲ୍ମରେ ପ୍ରଭାସଙ୍କ ଆକ୍ସନ ଅବତାର ଦେଖିବା ସହ ତାଙ୍କ ନୂଆ ଲୁକ ଦେଖିବାକୁ ପାଇବେ ଦର୍ଶକ । ଫିଲ୍ମଟିକୁ ଅଗଷ୍ଟ 15ରେ ରିଲିଜ କରିବାର ଯୋଜନା କରିଛନ୍ତି ମେକର୍ସ ।
