ହାଇଦ୍ରାବାଦ: ଖୁବଶୀଘ୍ର ପରଦା ଉପକୁ ଆସିବାକୁ ଯାଉଛି ନିର୍ଦ୍ଦେଶକ ଓମ୍ ରାଉତଙ୍କ ନିର୍ଦ୍ଦେଶିତ ଫିଲ୍ମ 'ଆଦିପୁରୁଷ' । ଫିଲ୍ମର ସୁଟିଂ ଶେଷ ହୋଇଥିବା ନେଇ ଟ୍ବିଟରରେ ସେୟାର କରିଛନ୍ତି ଫିଲ୍ମ ନିର୍ଦ୍ଦେଶକ । ତେବେ ଆସନ୍ତା ବର୍ଷ ଅଗଷ୍ଟ ୨୨ରେ ଏହା ରିଲିଜ ହେବା ନେଇ ଆଶା କରାଯାଉଛି । ପ୍ରଥମ ଥର ପାଇଁ ଏହି ଫିଲ୍ମରେ ସାଉଥ ସୁପର ଷ୍ଟାର ପ୍ରଭାସଙ୍କ ସହ ନଜର ଆସିବେ ସୈଫ ଅଲ୍ଲୀ ଖାନ ଓ କ୍ରିତି ସୋନମ । ଏଥିପାଇଁ ଦର୍ଶକଙ୍କ ମନରେ ମଧ୍ୟ ବେଶ ଉତ୍କଣ୍ଠା ରହିଛି ।
ଏହି ଚଳଚ୍ଚିତ୍ରରେ ପ୍ରଭାସ ରାମ, ସୈଫ ଅଲ୍ଲି ଖାନ ରାବଣ ଏବଂ କ୍ରିତି ସୋନମଙ୍କୁ ସୀତା ଭୂମିକାରେ ନଜର ଆସିବେ । ତେବେ ଫିଲ୍ମର ନିର୍ଦ୍ଦେଶକ ଓମ ରାଉତ ଇନଷ୍ଟାଗ୍ରାମ ଆକାଉଣ୍ଟରେ ମଧ୍ୟ ଫିଲ୍ମର ସୁଟିଂ ଶେଷ ହେବା ନେଇ ସେୟାର କରିଛନ୍ତି । ସେ ଲେଖିଛନ୍ତି, 'ଆଦିପୁରୁଷର ସୁଟିଂ ଶେଷ ହୋଇଛି, ଦୀର୍ଘ ୧୦୩ ଦିନର ଯାତ୍ରା ପରେ ଏବେ ସୁଟିଂ ଶେଷ ହୋଇଛି । ସୁଟିଂର ଯାତ୍ରା ବହୁତ ଭଲ ଥିଲା ।
ସୂଚନା ଅନୁଯାୟୀ ୪୦୦ କୋଟି ଟଙ୍କା ବଜେଟରେ ଏହି ଫିଲ୍ମ ନିର୍ମିତ ହୋଇଛି । ଏହି ଫିଲ୍ମ ୪ଟି ଭାଷା ହିନ୍ଦୀ ତେଲୁଗୁ, ତାମିଲ,ମାଲାୟାଲମ ଏବଂ କନ୍ନଡରେ ମଧ୍ୟ ରିଲିଜ ହେବ ।
