କୋଲକାତା: ନିକଟରେ ମା'ଙ୍କୁ ହରାଇଥିବା ଲୋକପ୍ରିୟ ଗାୟକ ଅରିଜିତ ସିଂଙ୍କୁ ନେଇ ନୂଆ ଚର୍ଚ୍ଚା । ବର୍ତ୍ତମାନ ସେ ନିଜ ରାଜ୍ୟବାସୀଙ୍କ ପାଇଁ ସହଯୋଗର ହାତ ବଢାଇଛନ୍ତି । କୋରୋନାର ଏହି ସଙ୍କଟ ସମୟରେ ଧିରେ ଧିରେ କରି ଅନେକ ସେଲିବ୍ରିଟି ଦେଶବାସୀଙ୍କ ସେବା କରିବାକୁ ଆଗେଇ ଆସୁଛନ୍ତି । ଏହି କ୍ରମରେ ଏବେ ସାମିଲ ହୋଇଛନ୍ତି ଅରିଜିତ । ସେ ମଧ୍ୟ ମୁର୍ସିଦାବାଦ ମେଡିକାଲ କଲେଜକୁ ପାଞ୍ଚଟି ହାଇ ଫ୍ଲୋ ଅକ୍ସିଜେନ ମେସିନ୍ ଦାନ କରିଛନ୍ତି ।
ଏହି ପାଞ୍ଚଟି HFNO ମେସିନକୁ ତାଙ୍କ ସ୍ବେଚ୍ଛାସେବୀ ସଂଗଠନ ମାଧ୍ୟମରେ ଶନିବାର ମୁର୍ସିଦାବାଦ ମେଡିକାଲ କଲେଜ ହସ୍ପିଟାଲ କର୍ତ୍ତୃପକ୍ଷଙ୍କୁ ହସ୍ତାନ୍ତର କରାଯାଇଛି। ତାଙ୍କର ଏହି କାର୍ଯ୍ୟ ପାଇଁ ବର୍ତ୍ତମାନ ସବୁ ମହଲରେ ପ୍ରଶଂସା କରାଯାଉଛି ।
ପ୍ରକାଶ ଥାଉକି ଗତ 11 ତାରିଖରେ ଅରିଜିତଙ୍କ ମା'ଙ୍କ ଦେହାନ୍ତ ହୋଇଥିଲା । ସେ କୋରୋନା ପଜିଟିଭ ଥିଲେ । କୋରୋନା କାରଣରୁ ତାଙ୍କ ସ୍ବାସ୍ଥ୍ୟ କ୍ରମାଗତ ଭାବେ ଖରାପ ହେଉଥିଲା, ତେଣୁ ତାଙ୍କୁ କୋଲକାତାର ଏକ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
