ମୁମ୍ବାଇ: ବିଗବସ ଫେମ ତଥା ଫେମସ ହରିୟାଣୀ ସେନ୍ସେସନ ସପନା ଚୌଧୁରୀ ନିଜ ଡାନ୍ସ ପାଇଁ ସବୁବେଳେ ଫ୍ୟାନ୍ସଙ୍କ ହୋସ ଉଡାଇଥାଆନ୍ତି । ତାଙ୍କ ଡାନ୍ସ ଦେଖିବାକୁ ଅନାଇ ବସିଥାଆନ୍ତି ସମସ୍ତେ । ଇତିମଧ୍ୟରେ ତାଙ୍କ ଫ୍ୟାନ୍ସଙ୍କ ପାଇଁ ସାମ୍ନାକୁ ଆସିଛି ଗୁଡନ୍ୟୁଜ । ଯାହା ଶୁଣି ଖୁସି ହୋଇଯିବେ ସମସ୍ତେ । କାରଣ ସେ ଟିଭି ଦୁନିଆରେ ପୁଣି ନଜର ଆସିବାକୁ ଯାଉଛନ୍ତି ।
ସପନା ଆଣ୍ଡଟିଭିର ଅପକମିଂ ସିରିଜ ‘ମୌକା-ଏ-ବାରଦାତ’ରେ ଅଭିନୟ କରୁଥିବାର ନଜର ଆସିବେ । ଯେଉଁଥିରେ ଅପରାଧିକ କାହାଣୀ ପର୍ଯ୍ୟବେଶିତ କରାଯିବ । ଯାହାକୁ ଦେଖି ଆଶ୍ଚର୍ଯ୍ୟ ହୋଇଯିବେ ସମସ୍ତେ । ଏହି ନୂଆ ଶୋକୁ ନେଇ ଉତ୍ସାହିତ ଅଛନ୍ତି ସପନା ।
ସପନା ଦୁଇ ବର୍ଷ ପରେ ଟେଲିଭିଜନ ଦୁନିଆକୁ ଫେରିବେ । ଏହି ଅବସରରେ ସେ କହିଛନ୍ତି, ‘ଏହି ଶୋ ଭାରତୀୟ ଟେଲିଭିଜନକୁ ଫେରିବା ପାଇଁ ପରଫେକ୍ଟ ଶୋ । ମୁଁ ମୌକା-ଏ-ବାରଦାତରେ ସାମିଲ ହେବାକୁ ନେଇ ଖୁସି ହେବା ସହ ଉତ୍ସାହିତ ମଧ୍ୟ ଅଛି । ଦୁଇ ବର୍ଷ ଅନ୍ତରାଳ ପରେ ମୁଁ କ୍ରାଇମ ଉପରେ ଆଧାରିତ ଶୋ ନେଇ ପରଦାକୁ ଫେରିବି । ଆଉ ଦର୍ଶକ ମତେ ଏହି ଅବତାରରେ ପ୍ରଥମଥର ଦେଖିବାକୁ ଯାଉଛନ୍ତି । କାରଣ ପୂର୍ବରୁ ଏମିତି ଅବତାରରେ ମୁଁ ଅଭିନୟ କରିନାହିଁ ।’
