ମୁମ୍ବାଇ: ବି-ଟାଉନର ସେକ୍ସୀ ଅଭିନେତ୍ରୀ କ୍ୟାଟ୍ରିନା କୈଫ ସବୁବେଳେ ନିଜ ସେକ୍ସୀ ଅବତାର ପାଇଁ ଚର୍ଚ୍ଚାରେ ରୁହନ୍ତି । ଏହାସହ ସେ ସୋସିଆଲ ମିଡିଆରେ ସେୟାର କରୁଥିବା ନିଜ ଫଟୋ ଦ୍ବାରା ଲକ୍ଷ ଲକ୍ଷ ଫ୍ୟାନ୍ସଙ୍କ ମନ ମଧ୍ୟ କିଣନ୍ତି । ହେଲେ ଏଥର ସେ ଫେମସ ଅଭିନେତ୍ରୀ ଅନୁଷ୍କା ଶର୍ମାଙ୍କ ସହ ନିଜର ଥ୍ରୋବ୍ୟାକ ଫଟୋ ସେୟାର କରି ପୁରୁଣା ସ୍ମୃତି ମନେ ପକାଇଛନ୍ତି । ଯାହା ବର୍ତ୍ତମାନ ଖୁବ୍ ଭାଇରାଲ ହେଉଛି ।
- " class="align-text-top noRightClick twitterSection" data="
">
ଇନଷ୍ଟାଗ୍ରାମରେ ସେୟାର କରିଥିବା ଫଟୋରେ ଦୁଇ ଅଭିନେତ୍ରୀ ସୋଫାରେ ବସି ଖୁବ୍ ହସୁଥିବାର ଦେଖାଯାଉଛନ୍ତି । ଏହି ଫଟୋଟି ‘ଜବ ତକ ହେ ଜାନ୍’ ଫିଲ୍ମର ସୁଟିଂ ସମୟର । ଆଉ ଏହାର କ୍ୟାପସନରେ ସେ ଲେଖିଛନ୍ତି, ‘ଖୁସି ଅନୁଭବ ହେଲା ଏହି ଫଟୋ ଦେଖି@ଅନୁଷ୍କାଶର୍ମା ।’ ଆପଣ ବି ଦେଖନ୍ତୁ ଦୁଇ ଅଭିନେତ୍ରୀଙ୍କ ଏହି ମସ୍ତିଭରା ଫଟୋ...
ପ୍ରକାଶ ଥାଉକି ଅନୁଷ୍କା ଓ କ୍ୟାଟ ଏକାଠି ରୋମାଣ୍ଟିକ ଡ୍ରାମା ଫିଲ୍ମ ‘ଜବ ତକ ହେ ଜାନ୍’ରେ ଏକାଠି କାମ କରିଥିଲେ । ଫିଲ୍ମରେ ଦୁଇଜଣଙ୍କ ସହ ରୋମାନ୍ସ କରୁଥିବାର ନଜର ଆସିଥିଲେ ସୁପରଷ୍ଟାର ଶାହରୁଖ ଖାନ । ଏହାବ୍ୟତୀତ ଏହି ତିନି ଷ୍ଟାର ଫିଲ୍ମ ‘ଜିରୋ’ରେ ମଧ୍ୟ ଅଭିନୟ କରିଥିଲେ । ହେଲେ ଫିଲ୍ମଟି ବକ୍ସ ଅଫିସରେ ଫ୍ଲପ ସାବ୍ୟସ୍ତ ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
