ମୁମ୍ବାଇ: କୋରୋନା ଭାଇରସ ପାଇଁ ପୁରା ଦେଶରେ ଲକଡାଉନରେ ବଲିଉଡର ଫେମସ ଆକ୍ଟର ସୋନୁ ସୁଡ ସମସ୍ତଙ୍କ ରିୟଲ ଆକ୍ଟର ସାଜିଥିଲେ । କାରଣ ସେ ଲକଡାଉନ ପାଇଁ ଅନ୍ୟ ଦେଶରେ ଫସି ରହିଥିବା ଦିନ ମଜରୁଆ, ପ୍ରବାସୀ ଶ୍ରମିକ ଓ ଛାତ୍ରଛାତ୍ରୀଙ୍କୁ ନିଜ ନିଜ ଘରେ ପହଞ୍ଚାଇବାର ପ୍ରାୟସ କରିଥିଲେ । ଯାହାଦ୍ବାରା ଅନେକ ଲୋକ ସୁରକ୍ଷିତ ନିଜ ନିଜ ଘରେ ପହଞ୍ଚିପାରିଥିଲେ । ତାଙ୍କର ଏହି ମହାନ କାର୍ଯ୍ୟ ପାଇଁ ଆଜି ତାଙ୍କ ପ୍ରଶଂସା ସବୁ ମହଲରେ ହେଉଛି । ଇତିମଧ୍ୟରେ ତାଙ୍କୁ ନେଇ ନୂଆ ଚର୍ଚ୍ଚା । ସେ ନିଜର ଏହି ଅନୁଭୂତି ଉପରେ ଏକ ବହି ଲେଖିବେ।
ଯାହା ପାଇଁ ସେ ପେଙ୍ଗୁଇନ ରାଣ୍ଡମ ହାଉସ ସହ ହାତ ମିଶାଇଛନ୍ତି । ଶୁଣିବାକୁ ମିଳୁଛି ଯେ ଏବର୍ଷ ଶେଷ ଆଡକୁ ତାଙ୍କର ଏହି ବହି ଈବରୀ ପ୍ରେସ ଦ୍ବାରା ପ୍ରକାଶିତ କରାଯିବ।
ଏହି ଅବସରରେ ସେ କହିଛନ୍ତି ଯେ ଗତ ତିନି ମାସ ତାଙ୍କ ପାଇଁ ସମ୍ପୂର୍ଣ୍ଣ ଜୀବନ ବଦଳିଥିବା ଅନୁଭବ ଥିଲା । ପ୍ରବାସୀଙ୍କ ସହ ଦିନରେ 16ରୁ 18 ଘଣ୍ଟା ରହିବା ତାଙ୍କ ଯନ୍ତ୍ରଣାକୁ କମ କରିବା, ସେମାନଙ୍କ ଦୁଃଖସୁଖ ବୁଝିବା ଭିନ୍ନ ପ୍ରକାର ଅନୁଭବ ଥିଲା। ସେମାନଙ୍କୁ ଘରେ ଛାଡିବା ପରେ ତାଙ୍କୁ ଶାନ୍ତି ମିଳୁଥିଲା । ଏହି କାର୍ଯ୍ୟ ପାଇଁ ହୁଏତଃ ଭଗବାନ ତାଙ୍କୁ ମୁମ୍ବାଇ ପଠାଇଥିଲେ । ଯାହା ସେ ନିଜ ବହିରେ ଲେଖିବାକୁ ଯାଉଛନ୍ତି।
