ମୁମ୍ବାଇ: ଭେଟେରାନ ଅଭିନେତା ଜିତେନ୍ଦ୍ର ଗୁରୁବାର ‘ଏକ ଭିଲେନ ରିଟର୍ଣ୍ଣସ୍’ ଫିଲ୍ମର କାଷ୍ଟ ଏବଂ କ୍ରୁ ସଦସ୍ୟଙ୍କୁ ଭେଟିବା ପାଇଁ ସେଟରେ ପହଞ୍ଚିଥିଲେ। ସେ ନିର୍ଦ୍ଦେଶକ ମୋହିତ ସୌରୀ, ଅଭିନେତା ଜନ ଅବ୍ରାହମ ଏବଂ ଅଭିନେତ୍ରୀ ଦିଶା ପଟାନୀଙ୍କ ସହ କିଛି ସମୟ ବିତାଇଥିଲେ । ଏହାସହ କଳାକାରଙ୍କୁ ଆଶୀର୍ବାଦ ମଧ୍ୟ ଦେଇଛନ୍ତି । ସେପଟେ ଜିତେନ୍ଦ୍ରଙ୍କ ସହ ଭେଟି ବେଶ୍ ଖୁସି ଅଛନ୍ତି ଜନ ଓ ଦିଶା ।
ବାଲାଜି ମୋଶନ ପିକ୍ଚରର ଇନଷ୍ଟାଗ୍ରାମରେ ସେଟରୁ ଏକ ଫଟୋ ସେୟାର କରାଯାଇଛି । ଯେଉଁଥିରେ ଜିତେନ୍ଦ୍ରଙ୍କ ସହ ମୋହିତ, ଜନ ଏବଂ ଦିଶା ନଜର ଆସୁଛନ୍ତି । ଆଉ ଏହାର କ୍ୟାପସନରେ ଲେଖାଯାଇଛି, ‘ପ୍ରକୃତରେ ସେଟରେ ଜିତେନ୍ଦ୍ର ସାରଙ୍କୁ ଦେଖିବା ମଧୁର ଆନନ୍ଦ ।’
- " class="align-text-top noRightClick twitterSection" data="
">
ଯଦି ‘ଏକ ଭିଲେନ ରିଟର୍ଣ୍ଣସ୍’ ବିଷୟରେ କଥା ହେବା ତାହାଲେ 2014ରେ ରିଲିଜ ହୋଇଥିବା ଶ୍ରଦ୍ଧା କପୁର ଓ ସିଦ୍ଧାର୍ଥ ମଲହୋତ୍ରାଙ୍କ ଫିଲ୍ମ ‘ଏକ ଭିଲେନ’ର ସିକ୍ବେଲ ଫିଲ୍ମ । ଯେଉଁଥିରେ ଅଭିନେତା ରିତେଶ ଦେଶମୁଖଙ୍କୁ ଭିଲେନ ଅବତାରରେ ଦେଖିବାକୁ ମିଳିଥିଲା ।
