ହାଇଦ୍ରାବାଦ: କମାଣ୍ଡୋର ଫ୍ୟାନ୍ସଙ୍କ ପାଇଁ ଖୁସି ଖବର । ନିର୍ଦ୍ଧାରିତ ରିଲିଜ ତାରିଖ ପୂର୍ବରୁ ରିଲିଜ ହେବେ ‘କମାଣ୍ଡୋ-3’ । ସେପ୍ଟେମ୍ବର 20ରେ ରିଲିଜ ହେବାକୁ ଥିବା ଫିଲ୍ମ ‘କମାଣ୍ଡୋ-3’କୁ ସେପ୍ଟେମ୍ବର 6ରେ ରିଲିଜ କରାଯିବ ।
ବିଦ୍ୟୁତ ଜାମୱଲଙ୍କ କମାଣ୍ଡୋ ସିରିଜକୁ ବେଶ ପ୍ରଶଂସା ମିଳିଛି । ବିଦ୍ୟୁତଙ୍କ ଆକ୍ସନ ଷ୍ଟଣ୍ଟକୁ ଦର୍ଶକ ବେଶ ପସନ୍ଦ କରନ୍ତି । ତେବେ ଫିଲ୍ମର ନିର୍ଦ୍ଦେଶନା ଭାର ତୁଲାଇଛନ୍ତି ଆଦିତ୍ୟ ଦତ୍ତ । ଫିଲ୍ମରେ ବିଦ୍ୟୁତଙ୍କ ସହ ଆଦାହ ଶର୍ମା, ଅଙ୍ଗିରା ଧର, ଗୁଲଶନ ଦିଭା ମୁଖ୍ୟ ଭୂମିକାରେ ନଜର ଆସିବେ ।
ଫିଲ୍ମର କାହାଣୀ କମାଣ୍ଡୋ କରନବୀର ସିଂ ଡୋଗରାନଙ୍କ ଚରିତ୍ର ଉପରେ ଆଧାରିତ । ଅର୍ନ୍ତଜାତୀୟ ସ୍ପାଏ କରନବୀର, ଭାବନା ରେଡ୍ଡିଙ୍କ ସହ କଳାଧନ ଖୋଜିବା ପାଇଁ ଭାରତରୁ ବ୍ୟାଙ୍କକ ଯାଇଥିବେ । ଏଥିରେ କରନବୀରଙ୍କ ଭୂମିକାରେ ବିଦ୍ୟୁତ ଓ ଭାବନାଙ୍କ ଭୂମିକାରେ ଆଦହା ଶର୍ମାଙ୍କୁ ଦେଖିବାକୁ ମିଳିବ ।
