ମୁମ୍ବାଇ: ବଲିଉଡ ଡ୍ରଗ୍ସ ମାମଲାରେ ଏନସିବି ଜଣକ ପରେ ଜଣେ ଅଭିଯୁକ୍ତଙ୍କୁ ଗିରଫ କରିବାରେ ଲାଗିଛି । ବର୍ତ୍ତମାନ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଡ୍ରଗ୍ସ ମାମଲାରେ ଅଭିନେତ୍ରୀ ଦିଆ ମିର୍ଜାଙ୍କ ପୂର୍ବତନ ମ୍ୟାନେଜରଙ୍କୁ ଗିରଫ କରିଛି ।
ଅଭିନେତ୍ରୀଙ୍କ ପୂର୍ବତନ ମ୍ୟାନେଜରଙ୍କ ନା ରାହିଲା ଫର୍ନିଚରର୍ୱାଲା । ରାହିଲାଙ୍କ ସହିତ ତାଙ୍କ ଭଉଣୀ ଶାଇସ୍ତାଙ୍କୁ ମଧ୍ୟ ଗିରଫ କରାଯାଇଛି ।
ଏନସିବି ଜଣେ ବ୍ରିଟିଶ ବ୍ୟବସାୟୀ କରଣ ସଜଦାନୀଙ୍କୁ ମଧ୍ୟ ଗିରଫ କରିଛି ।
ଅଭିଯୋଗ ହୋଇଛି ଯେ, ଉଭୟ ଭଉଣୀ ତାଙ୍କୁ ଡ୍ରଗ୍ସ ବ୍ୟବସାୟରେ ସାହାଯ୍ୟ କରୁଥିଲେ । ଏହି ମାମଲାରେ 200 କିଲୋଗ୍ରାମ ଡ୍ରଗ୍ସ ଜବତ କରାଯାଇଛି ।
ସୂଚନାଯୋଗ୍ୟ, ଜୁନ୍ ମାସରେ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ଏନସିବି ଡ୍ରଗ୍ସ ସହିତ ଜଡିତ ହ୍ବାଟଅପ ଚାଟ୍ କୁ ଆଧାର କରି ବଲିଉଡରେ ଡ୍ରଗ୍ସ କାରବାର ସମ୍ପର୍କରେ ତଦନ୍ତ ଆରମ୍ଭ କରିଥିଲା ।
ସେଣ୍ଟ୍ରାଲ ଏଜେନ୍ସି ଏହା ପୂର୍ବରୁ ରାଜପୁତଙ୍କ ଗାର୍ଲଫ୍ରେଣ୍ତ ରିଆ ଚକ୍ରବର୍ତ୍ତୀ, ତାଙ୍କ ଭାଇ ସୈାଭିକ୍, ସହିତ କିଛି ତାରକା ଏବଂ କର୍ମଚାରୀମାନଙ୍କୁ ଗିରଫ କରିଥିଲା ।
ପ୍ରକାଶ ଥାଉ ଯେ, ରିଆ ଏବଂ ଅନ୍ୟ କେତେକ ଅଭିଯୁକ୍ତ ବର୍ତ୍ତମାନ ଜାମିନରେ ଅଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
