ମୁମ୍ବାଇ: ଆକ୍ସନ ନିର୍ମାତା ରୋହିତ ସେଟ୍ଟୀଙ୍କ ରିଆଲିଟି ଶୋ 'ଖତରୋଂ କେ ଖିଲାଡୀ' ପୁଣି ପ୍ରସାରଣ ହେବାକୁ ଯାଉଛି । ଅନ୍ୟପଟେ ଶୋରେ ସାମିଲ ହେବା ଷ୍ଟାର୍ସଙ୍କୁ ଅପ୍ରୋଚ କରିବାରେ ଲାଗିଛନ୍ତି ମେକର୍ସ । ଶୋକୁ ନେଇ ସବୁ ଠାରୁ ବଡ ଖବର ଶୁଣିବାକୁ ମିଳୁଛି ଯେ ଏଥର ଶୋରେ ଜଣେ ଇଣ୍ଡିଆନ କ୍ରିକେଟର ସାମିଲ ହେବେ ।
ଆଜ୍ଞା ହଁ, ପୂର୍ବତନ କ୍ରିକେଟର ଯୁବରାଜ ସିଂହଙ୍କୁ ଶୋରେ ସାମିଲ କରିବା ପାଇଁ ଜୋରସୋରେ ଲାଗିଛନ୍ତି ମେକର୍ସ । ନିକଟରେ କ୍ରିକେଟରୁ ସନ୍ୟାସ ନେଇଥିବା ଯୁବରାଜଙ୍କୁ ଶୋ ପାଇଁ ଅପ୍ରୋଚ ମଧ୍ୟ କରାଯାଇଛି । କିନ୍ତୁ ଏଯାବତ ଶୋରେ ସାମିଲ ହେବାର କୌଣସି ଅଧିକାରୀକ ଘୋଷଣା କରିନାହାଁନ୍ତି ଯୁବରାଜ ।
ତାଙ୍କ ବ୍ୟତୀତ ଶୋରେ ଅଭିନେତା କରନ ପଟେଲ ଓ କ୍ରିଷ୍ଟେଲ ଡିସୁଜାଙ୍କ ସହ ମେକର୍ସ କଥାବାର୍ତ୍ତା ଚଳାଇଛନ୍ତି । ଏହି ଦୁଇଜଣ ମଧ୍ୟ ଏପର୍ଯ୍ୟନ୍ତ ଶୋ ମେକର୍ସଙ୍କୁ କୌଣସି ଜବାବ ଦେଇନାହାଁନ୍ତି ।
