ମୁମ୍ବାଇ: ଦୀର୍ଘଦିନର ବ୍ୟବଧାନ ପରେ ଧକଧକ ଗର୍ଲ ମାଧୁରୀ ଦୀକ୍ଷିତ ମଲ୍ଟ୍ଟିଷ୍ଟାରର ଫିଲ୍ମ 'କଲଙ୍କ'ରେ ନଜର ଆସିବାକୁ ଯାଉଛନ୍ତି । ନିକଟରେ ଫିଲ୍ମର ଟିଜର ଓ ପୋଷ୍ଟର ରିଲିଜ ହୋଇଥିବାବେଳେ ଦୀର୍ଘ 22ବର୍ଷ ପରେ ସେ ଅଭିନେତା ସଞ୍ଜୟ ଦତ୍ତଙ୍କ ସହ ଏକାଠି ପରଦାରେ ନଜର ଆସିବାକୁ ଯାଉଥିବା ସହ ଶ୍ରୀଦେବୀଙ୍କ ସ୍ଥାନ ପୂରଣ କରିଛନ୍ତି । ଯାହାକି ତାଙ୍କ ପାଇଁ ବିଲକୁଲ ସହଜ ନଥିଲା ...
ମଙ୍ଗଳବାର ଫିଲ୍ମର ଟିଜର ଲଞ୍ଚିଂ ସମୟରେ ମାଧୁରୀଙ୍କୁ ପ୍ରଶ୍ନ କରାଯାଇଥିଲା ଯେ 'କଲଙ୍କ' ସେଟରେ ତାଙ୍କୁ କିପରି ଲାଗୁଥିଲା, ଆଉ ଅନ୍ୟକଥାଟି ହେଲା ଏହି ଭୂମିକା ଶ୍ରୀଦେବୀଙ୍କ ପାଇଁ ଥିଲା । ପ୍ରଶ୍ନର ଉତ୍ତର ଦେଇ ସେ କହିଥିଲେ କି, ଶ୍ରୀଦେବୀଙ୍କ ମୃତ୍ୟୁ ଆମ ପାଇଁ ଦୁଃଖଦ ଖବର ଥିଲା । ପରେ ଯେତେବେଳେ ତାଙ୍କୁ ସେହି ଭୂମିକା ପାଇଁ ସମ୍ପର୍କ କରାଯାଇଥିଲା, ସେହି ସମୟରେ ଏହା ତାଙ୍କ ପାଇଁ ଆଦୌ ସହଜ କଥା ନଥିଲା । ଶ୍ରୀଦେବୀଙ୍କ ପ୍ରତି ତାଙ୍କ ମନରେ ଅପାର ଶ୍ରଦ୍ଧା ରହିଛି । ସେ ଜଣେ ଶାନଦାର ଅଭିନେତ୍ରୀ ଥିବା ସହ ଭଲ ମଣିଷ ମଧ୍ୟ ଥିଲେ ।
ଜଣେ ଅଭିନେତ୍ରୀ ରୂପେ ଆପଣ ଯେତେବଳେ କୌଣସି ଚରିତ୍ରରେ ଅଭିନୟ କରୁଛ, ତେବେ ଏହା ଭିନ୍ନ ମାମଲା ହୋଇଥାଏ । କାରଣ ଆମେ ଚରିତ୍ରରେ ନିଜର ଭାବନା ସମ୍ପୃକ୍ତ କରିଥାଉ । କିନ୍ତୁ 'କଲଙ୍କ' ସେଟରେ ଶ୍ରୀଦେବୀଙ୍କୁ ସବୁବେଳେ ଆମେ ସ୍ମରଣ କରୁଥିଲୁ । କାରଣ ସେ ଫିଲ୍ମର ଅଂଶ ଥିଲେ । ଯେବେ ଆପଣ କାମ ଆରମ୍ଭ କରୁଛନ୍ତି ତେବେ ଆପଣଙ୍କୁ ଆଗକୁ ବଢିବାକୁ ହୋଇଥାଏ ଏବଂ ନିଜର କାମ କରିବାକୁ ପଡିଥାଏ । ସେ ମଧ୍ୟ ଠିକ୍ ଏପରି ହିଁ କରିଛନ୍ତି, କିନ୍ତୁ ସେଟରେ ଶ୍ରୀଦେବୀଙ୍କୁ ଖୁବ୍ ସ୍ମରଣ କରିଥିଲି ବୋଲି କହିଛନ୍ତି ମାଧୁରୀ ।
