ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ମାମଲାରେ ପ୍ରତିଦିନ କିଛି ନା କିଛି ଖବର ଶୁଣିବାକୁ ମିଳୁଛି । ଏବେ ସୁଶାନ୍ତଙ୍କ କେସରେ ସିବିଆଇ ଯାଞ୍ଚ କରୁଛି । ଏଯାବତ ତାଙ୍କ ସହ ସମ୍ପୃକ୍ତ ଥିବା ଅନେକ ଲୋକଙ୍କ ବୟାନ ରେକର୍ଡ କରିସାରିଲାଣି ସିବିଆଇ । ହେଲେ ସୁଶାନ୍ତଙ୍କ ମୃତ୍ୟୁ କେସରେ ତାଙ୍କ କଥିତ ଗାର୍ଲଫ୍ରେଣ୍ଡ ରିଆ ଚକ୍ରବର୍ତ୍ତୀଙ୍କ ନାମ ବାରମ୍ବାର ସାମ୍ନାକୁ ଆସୁଛି । ଇତିମଧ୍ୟରେ ରିଆଙ୍କ କିଛି ବନ୍ଧୁ ସୁଶାନ୍ତଙ୍କ ସହ ଥିବା ସମ୍ପର୍କ ବିଷୟରେ ଖୁଲାସା କରିଛନ୍ତି ।
ସେହି ବନ୍ଧୁମାନଙ୍କ ନାମ ଖୁଲାସା ହୋଇନାହିଁ, ହେଲେ ସେ ଏକ ସାକ୍ଷାତକାରରେ ଯୋଗ ଦେଇ ଅନେକ କଥା କହିଥିଲେ । ସୁଶାନ୍ତଙ୍କ ମାନସିକ ରୋଗର ଚିକିତ୍ସା କରିବା ପାଇଁ ଏକାଠି ପଦକ୍ଷେପ ନେଇଥିବା ବିଷୟରେ ଜଣାଇଥିଲେ । ସୁଶାନ୍ତଙ୍କ ଯତ୍ନ ନେବା ପାଇଁ ରିଆ ଦୁଇଟି ଫିଲ୍ମ ଅଫର ମଧ୍ୟ ଛାଡିଥିଲେ । ସୁଶାନ୍ତ ନିଜ ବାଇପୋଲାର ରିପୋର୍ଟକୁ ଫିଲ୍ମ ଇଣ୍ଡଷ୍ଟ୍ରିଠୁ ଦୂରେଇ ରଖିବାକୁ ଚାହୁଁଥିଲେ । ଆଉ ତାଙ୍କ ପରିବାର ସମସ୍ତଙ୍କଠୁ ଅଲଗା କରିବାକୁ ତାଙ୍କ ଉପରେ ଚାପ ପକାଉଥିଲା ।
ସେହିପରି ରିଆ ଓ ସୁଶାନ୍ତଙ୍କ ଉଭୟ ବନ୍ଧୁ କହିଥିଲେ ଯେ ସୁଶାନ୍ତ 2019ରେ ପୁରୁଣା ଘର ଛାଡି ନୂଆ ଘରେ ରହିବାକୁ ଚାଲିଯାଇଥିଲେ । କାରଣ ତାଙ୍କୁ ଲାଗୁଥିଲା କି ପୁରୁଣା ଆପାର୍ଟମେଣ୍ଟ ତାଙ୍କ ମାନସିକ ସ୍ବାସ୍ଥ୍ୟ ପାଇଁ ଠିକ୍ ନୁହେଁ । ସେ ବଡ ଛାତ ଥିବା ଘରେ ରହିବାକୁ ଚାହୁଁଥିଲେ । ଦୁଇଜଣ ନୂଆ ଘରକୁ ଗଲା ପରେ ନିଜର କିଛି ଷ୍ଟାଫଙ୍କୁ ମଧ୍ୟ ବଦଳାଇ ଦେଇଥିଲେ । ସୁଶାନ୍ତଙ୍କ ଡିପ୍ରେସନ କଥାକୁ ଗୁପ୍ତ ରଖିବା ପାଇଁ ଷ୍ଟାଫଙ୍କୁ ବଦଳାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
