ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ଏଯାବତ ପ୍ରଶଂସକ ଭୁଲି ପାରୁନାହାଁନ୍ତି । ସୋସିଆଲ ମିଡିଆରେ ପ୍ରାୟତଃ ତାଙ୍କ ପୁରୁଣା ଫଟୋ, ଭିଡିଓ ସେୟାର କରି ତାଙ୍କୁ ମନେ ପକାଉଛନ୍ତି ସମସ୍ତେ । ଏବେ ଫ୍ୟାନ୍ସଙ୍କ ପାଇଁ ଗୁଡନ୍ୟୁଜ ଆସିଛି । କାରଣ ବିଗ ସ୍କ୍ରିନରେ ତାଙ୍କ ଶେଷ ଫିଲ୍ମ ‘ଦିଲ ବେଚାରା’ ଦେଖିପାରିବେ ଦର୍ଶକ । ଶୁଣିବାକୁ ମିଳୁଛି ‘ଦିଲ ବେଚାରା’ ସିନେମାହଲରେ ରିଲିଜ ହେବ । ଏହି ଫିଲ୍ମକୁ ଜୁଲାଇ 24 ତାରିଖରେ ଓଟିଟି ପ୍ଲାଟଫର୍ମ ଡିଜନି ପ୍ଲସ ହଟଷ୍ଟାରରେ ରିଲିଜ କରାଯାଇଥିଲା । ଯାହାକୁ ଖୁବ୍ ପସନ୍ଦ କରିଥିଲେ ଦର୍ଶକ ।
ଏବେ ଏହି ଚର୍ଚ୍ଚା ଜୋର ଧରିଛି ଯେ ଆସନ୍ତା 15ରେ ଦେଶର ସିନେମାହଲ ଖୋଲିବା ପରେ ‘ଦିଲ ବେଚାରା’ ରିଲିଜ କରିବେ ମେକର୍ସ । ଫିଲ୍ମରେ ସୁଶାନ୍ତଙ୍କ ସହ ସଞ୍ଜନା ସାଙ୍ଘୀ ଓ ସୈଫ ଅଲ୍ଲୀ ଖାନ ମଧ୍ୟ ମୁଖ୍ୟ ଭୂମିକାରେ ନଜର ଆସୁଛନ୍ତି ।
ଓଟିଟି ପ୍ଲାଟଫର୍ମରେ ଫିଲ୍ମ ରିଲିଜର ଗୋଟିଏ ଦିନ ମଧ୍ୟରେ 95 ମିଲିୟନ ଭ୍ୟୁଜ ମିଳିଥିଲା । ଯାହାକୁ ନେଇ ଖୁସି ଥିଲେ ମେକର୍ସ । ଫିଲ୍ମ ଜରିଆରେ ନିର୍ଦ୍ଦେଶନାରେ ଡେବ୍ୟୁ କରିଛନ୍ତି ମୁକେଶ ଛାବଡା ।
