ହାଇଦ୍ରାବାଦ: ଭାରତୀୟ ଜନତା ପାର୍ଟିର ସାନଦାର ବିଜୟ ପରେ ବଲିଉଡ କିଙ୍ଗ ଶାହାରୁଖ ଖାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅଭିନନ୍ଦନ ଜଣାଇଛନ୍ତି । 2019 ଲୋକସଭା ନିର୍ବାଚନରେ ପ୍ରାୟ 303 ଆସନରେ ବିଜୟୀ ହୋଇ ଇତିହାସ ସୃଷ୍ଟି କରିଛି ବିଜେପି ।
ତେବେ ଶାହାରୁଖ ନିଜ ଟ୍ବିଟରରେ ମୋଦିଙ୍କୁ ଶୁଭେଚ୍ଛା ଜଣାଇବା ସହ ଦେଶବାସୀଙ୍କ ଆଶା ଓ ସ୍ବପ୍ନକୁ ପୂରଣ କରିବା ପାଇଁ ଅନୁରୋଧ କରିଛନ୍ତି । ଏହା ଗଣତନ୍ତ୍ରର ବିଜୟ ବୋଲି କହିଥିଲେ ଶାହାରୁଖ । ଏହାସହ ବିଜେପିର ସମସ୍ତ ନେତାଙ୍କୁ ଅଭିନନ୍ଦନ ଜଣାଇଥିଲେ ।
![sharukh khan](https://etvbharatimages.akamaized.net/etvbharat/prod-images/3377573_sha.png)
ଅନେକ ବଲିଉଡ ସେଲିବ୍ରିଟି ସଲମାନ ଖାନ, ଅକ୍ଷୟ କୁମାର, ଶିଳ୍ପା ସେଟ୍ଟି କୁନ୍ଦ୍ରା, ଅଜୟ ଦେବଗନ, ରବିନା ଟଣ୍ଡନ, ବରୁଣ ଧୱନ, ପରିଣୀତି ଚୋପ୍ରା, କରଣ ଜୋହର ଆଦି ମୋଦିଙ୍କୁ ଅଭିନନ୍ଦନ ଜଣାଇଥିଲେ । ତେବେ ଦଳ ଜିତିବା ପରେ ପ୍ରଧାନମନ୍ତ୍ରୀ ମୋଦି ଏକ ସାଧାରଣ ସଭାର ଆୟୋଜନ କରି ଦଳର ବିଜୟକୁ ଦେଶବାସୀଙ୍କ ନାଁ ରେ କରିଛନ୍ତି ।