ମୁମ୍ବାଇ: ବିବାହ ପରେ କ୍ୟାଟ୍ରିନା କୈଫ ତାଙ୍କର ପରବର୍ତ୍ତୀ ଚଳଚ୍ଚିତ୍ର ଘୋଷଣା କରିଛନ୍ତି । କ୍ୟାଟ୍ରିନା କୈଫ ଇନଷ୍ଟାଗ୍ରାମରେ ଏକ ପୋଷ୍ଟ କରି ପ୍ରଶଂସକମାନଙ୍କୁ ଏ ବିଷୟରେ ସୂଚନା ଦେଇଛନ୍ତି । ଏହି ଫିଲ୍ମରେ କ୍ୟାଟ୍ରିନା କୈଫଙ୍କୁ ପ୍ରଥମ ଥର ପାଇଁ ସାଉଥ ସୁପରଷ୍ଟାର ଅଭିନେତା ବିଜୟ ସେତୁପତିଙ୍କ ସହ ସ୍କ୍ରିନ୍ ସେୟାର କରୁଥିବା ଦେଖିବାକୁ ମିଳିବ । ଏହି ଚଳଚ୍ଚିତ୍ରର ନିର୍ଦ୍ଦେଶନାକୁ ଶ୍ରୀରାମ ରାଘବନ ପରିଚାଳନା କରିବେ ଏବଂ ସୁପରଷ୍ଟାର ବିଜୟ ମୁଖ୍ୟ ଭୂମିକାରେ ଅଭିନୟ କରିବେ । 'ମେରୀ ଖ୍ରୀଷ୍ଟମାସ' (Merry Christmas) ନାମକ ଏହି ଚଳଚ୍ଚିତ୍ର ଦର୍ଶକଙ୍କ ପାଇଁ କିଛି ଖାସ ଆଣିବ କି ନାହିଁ ସେନେଇ ଅନେକ ତଥ୍ୟ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ ।
- " class="align-text-top noRightClick twitterSection" data="
">
ନେହା ଧୁପିଆ ଦେଲେ ଶୁଭକାମନା
ଯେତେବେଳେ କ୍ୟାଟ୍ରିନା କୈଫ ତାଙ୍କର ପରବର୍ତ୍ତୀ ଚଳଚ୍ଚିତ୍ର ଘୋଷଣା କରିବା ସମୟରେ ପୋଷ୍ଟ କରିଥିଲେ, ନେହା ଧୁପିଆ ତାଙ୍କୁ ଶୁଭେଚ୍ଛା ଜଣାଇ କମେଣ୍ଟରେ ଲେଖିଥିଲେ - Good luck, K! କ୍ୟାଟ୍ରିନା କୈଫ ଏହି ଫିଲ୍ମ ବିଷୟରେ ଥରେ ପୋଷ୍ଟ କରିସାରିଛନ୍ତି। ଇନଷ୍ଟାଗ୍ରାମରେ ଫିଲ୍ମର ନିର୍ଦ୍ଦେଶନା ଏବଂ ପ୍ରଡକ୍ସନ୍ ଟିମ୍ ସହିତ ଏକ ଫଟୋ ସେୟାର କରି ସେ ଲେଖିଛନ୍ତି ଯେ 'ଏକ ନୂଆ ଆରମ୍ଭ' । ସେଟକୁ ଫେରିଛି ନିର୍ଦ୍ଦେଶକ ଶ୍ରୀରାମ ରାଘବନଙ୍କ ସହ ।
- " class="align-text-top noRightClick twitterSection" data="
">
ପୂରା ହେଲା କ୍ୟାଟ୍ରିନାଙ୍କ ସ୍ବପ୍ନ
କ୍ୟାଟ୍ରିନା କୈଫ ତାଙ୍କ ପୋଷ୍ଟରେ ଲେଖିଛନ୍ତି- ମୁଁ ସବୁବେଳେ ଶ୍ରୀରାମ ରାଘବନ ସାରଙ୍କ ସହ କାମ କରୁବାକୁ ଚାହୁଁଥିଲି, ଯେବେ ବି ଥ୍ରିଲରକୁ ପରଦାରେ ଦେଖିବା କଥା ଆସେ ତ ସେ ଜଣେ ମାଷ୍ଟର। ତାଙ୍କ ସହିତ କାମ କରିବାକୁ ବହୁତ ଉତ୍ସାହିତ ଅଛି।
ବିଜୟ-କ୍ୟାଟ୍ରିନାଙ୍କ ଫିଲ୍ମ କେବେ ହେବ ରିଲିଜ୍ ?
କ୍ୟାଟ୍ରିନା କୈଫ ଏବଂ ବିଜୟ ସେତୁପତିଙ୍କ ଅଭିନୀତ ଚଳଚ୍ଚିତ୍ର 'ଖ୍ରୀଷ୍ଟମାସ' 22 ଡିସେମ୍ବର 2022 ରେ ପ୍ରେକ୍ଷାଳୟରେ ମୁକ୍ତିଲାଭ କରିପାରିବ । ଏହି ଚଳଚ୍ଚିତ୍ରର ପ୍ରଡକ୍ସନ୍ ରମେଶ ତୌରାନୀଙ୍କ ଟିପ୍ସ ଇଣ୍ଡଷ୍ଟ୍ରିଜ୍ ମ୍ୟାଚ୍ ବକ୍ସ ପିକ୍ଚର୍ସ ଲିମିଟେଡ୍ ଦ୍ୱାରା ପରିଚାଳିତ ହେଉଛି । ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ପ୍ରଶଂସକମାନେ କ୍ୟାଟ୍ରିନା କୈଫଙ୍କ ଫିଲ୍ମ ଟାଇଗରକୁ ମଧ୍ୟ ଅପେକ୍ଷା କରି ରହିଛନ୍ତି । ଏହି ଚଳଚ୍ଚିତ୍ର ମାଧ୍ୟମରେ ସେ ପୁଣି ଥରେ ସଲମାନ ଖାନଙ୍କ ସହିତ ପରଦାକୁ ଫେରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
