ହାଇଦ୍ରାବାଦ: ଏକତା କପୁରଙ୍କ ନାଗିନ ସୋ ଏବେ ଚର୍ଚ୍ଚାରେ । କାରଣ ନୂଆ ସିଜିନରେ ମୁଖ୍ୟ ଭୂମିକାରେ ନଜର ଆସୁଛନ୍ତି ବିଗବସ ବିଜୟିନୀ ତେଜସ୍ବୀ ପ୍ରକାଶ। ଏକତା କପୁର 2015 ରେ ଟିଭିରେ 'ନାଗିନ୍' ସୋ ଆଣିଥିଲେ । ଏଥର 'ନାଗିନ୍ 6'ର ଟେଲିକାଷ୍ଟ ଶନିବାର ରାତିରୁ ଆରମ୍ଭ ହୋଇଛି । ଶୋ’ରେ ଅଭିନେତ୍ରୀ ତେଜସ୍ବୀ ପ୍ରକାଶଙ୍କ ଭୂମିକା ବହୁତ ପାଓ୍ବରଫୁଲ ଦେଖାଯାଉଛି । ତେଜସ୍ବୀ ପ୍ରକାଶ ମଧ୍ୟ 'ନାଗିନ୍ 6' ପାଇଁ ବହୁତ ଉତ୍ସାହିତ ଅଛନ୍ତି । 'ନାଗିନ୍' ର ପ୍ରଥମ ଲୁକ୍ ଠାରୁ ତେଜସ୍ବୀ ପ୍ରକାଶଙ୍କୁ ବହୁତ ପ୍ରଶଂସା କରାଯାଉଛି ।
- " class="align-text-top noRightClick twitterSection" data="
">
ଏପଟେ ତେଜସ୍ବୀ ପ୍ରକାଶଙ୍କ ନାଗିନ ଲୁକ୍ ଦେଖି ଫିଦା ହୋଇଯାଇଛନ୍ତି ବୟଫ୍ରେଣ୍ଡ କରଣ କୁନ୍ଦ୍ରା। ତେଜସ୍ବୀ ପ୍ରକାଶ-କରଣ କୁନ୍ଦ୍ରାଙ୍କ ପ୍ରେମ ସମ୍ପର୍କ ବିଗ୍ ବସ୍ 15 ଘରେ ଆରମ୍ଭ ହୋଇଥାଇପାରେ, କିନ୍ତୁ ଘରୁ ବାହାରକୁ ଆସିବା ପରେ ମଧ୍ୟ ଦୁହିଁଙ୍କ ମଧ୍ୟରେ ପ୍ରେମ ଜାରି ରହିଛି । ଉଭୟ ପ୍ରାୟତଃ ନିଜ ବ୍ୟସ୍ତବହୁଳ କାର୍ଯ୍ୟସୂଚୀରୁ ସମୟ ବାହାର କରି ପରସ୍ପର ସହିତ ସମୟ ବିତାଉଥିବା ଦେଖାଯାଇଛି । ଭାଲେଣ୍ଟାଇନ୍ସ ଡେ’ର ବିଶେଷ ଅବସରରେ ମଧ୍ୟ କରଣ କୁନ୍ଦ୍ରା ତେଜସ୍ବୀ ପ୍ରକାଶଙ୍କ ପ୍ରତି ନିଜର ପ୍ରେମ ବ୍ୟକ୍ତ କରିବାକୁ ପଛାଇ ନାହାନ୍ତି। ସୋସିଆଲ ମିଡିଆରେ କରଣ ତେଜସ୍ବୀଙ୍କ ପାଇଁ ଏକ ବିଶେଷ ବାର୍ତ୍ତା ଲେଖିଛନ୍ତି।
କରଣ କୁନ୍ଦ୍ରା ତାଙ୍କ ଇନଷ୍ଟାଗ୍ରାମରେ ତାଙ୍କ ଲେଡି ଲଭ ତେଜସ୍ବୀ ପ୍ରକାଶଙ୍କ ପ୍ରତି ତାଙ୍କର ପ୍ରେମ ବ୍ୟକ୍ତ କରିଛନ୍ତି। କରଣ ତାଙ୍କର ଏବଂ ତେଜସ୍ବୀଙ୍କ ବିଗ ବସ୍ ଯାତ୍ରା ଉପରେ ଅନେକ ଭିଡିଓ କ୍ଲିପ୍ ମିଶାଇ ଏକ ସୁନ୍ଦର ଭିଡିଓ ପ୍ରସ୍ତୁତ କରିଛନ୍ତି । ଏହି ଭିଡିଓରେ ତେଜସ୍ବୀ ଏବଂ କରଣଙ୍କ ମଧ୍ୟରେ ଆରମ୍ଭ ହୋଇଥିବା ଭଲପାଇବାରୁ ନେଇ ଛୋଟମୋଟ ଝଗଡା ପର୍ଯ୍ୟନ୍ତ ସବୁକିଛି ଦେଖାଯାଇଛି। କରଣଙ୍କ ଏହି ଭିଡିଓକୁ ଫ୍ୟାନ୍ସ ମଧ୍ୟ ବହୁତ ପସନ୍ଦ କରିଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
