ମୁମ୍ବାଇ: ଭାରତ ଅନଲକ୍ ପର୍ଯ୍ୟାୟ ଦେଇ ଗତି କରୁଥିବା ବେଳେ ବହୁ ଚର୍ଚ୍ଚିତ କେଜିଏଫ୍ର-2ର ସୁଟିଂ ଆରମ୍ଭ କରିସାରିଛନ୍ତି କନ୍ନଡ ସୁପରଷ୍ଟାର ୟଶ ଏବଂ ଅଭିନେତା ପ୍ରକାଶ ରାଜ ।
ଏହି ଫିଲ୍ମରେ ଅନ୍ୟ କାଷ୍ଟ ମ୍ବେବରମାନଙ୍କ ମଧ୍ୟରେ ନଜର ଆସିବେ ମାଲବିକା ଅବିନାଶ । ଯିଏ କି ଜଣେ ପଲିଟିସିଆନ । ମାଲବିକା ତାଙ୍କ ଟ୍ୱିଟରରେ ଫିଲ୍ମର କିଛି ଫଟୋ ସେୟାର କରି ଏହାର ସୂଚନା ଦେଇଛନ୍ତି ।
ମାଲବିକା ଟୁଇଟ୍ ରେ ଲେଖିଛନ୍ତି, "କୋଭିଡ-19 ର 6 ମାସ ପରେ ଆଜିର ସୁଟିଂ ପୁର୍ନଜନ୍ମ ଭଳି ଅନୁଭୂତ ହେଉଛି " ।
ଏଥିସହିତ ଫିଲ୍ମର ସେଟରୁ ଭେଟେରାନ ପ୍ରକାଶ ରାଜଙ୍କ କିଛି ଫଟୋ ଇଣ୍ଟରନେଟରେ ଭାଇରାଲ ହେବାରେ ଲାଗିଛି । କେଜିଏଫ-2ରେ ମୁଖ୍ୟ ଭୂମିକାରେ ନଜର ଆସିବେ ଯଶ ଏବଂ ପ୍ରକାଶ ରାଜ ।
ପ୍ରକାଶ ଟୁଇଟ୍ କରି କହିଛନ୍ତି ଯେ, ଷ୍ଟାର୍ଟ କ୍ୟାମେରା, ଆକ୍ସନ, ବ୍ୟାକ ଟୁ ଓ୍ବାର୍କ ।
ଫିଲ୍ମର ନିର୍ଦ୍ଦେଶକ ପ୍ରଶାନ୍ତ ନୀଲ ଟୁଇଟ୍ କରି ପ୍ରକାଶଙ୍କୁ ସ୍ୱାଗତ କରିଛନ୍ତି ।
ପ୍ରଶାନ୍ତ ନୀଲ ଟୁଇଟ୍ କରି କହିଛନ୍ତି: ବୋର୍ଡକୁ ସ୍ୱାଗତ @ପ୍ରକାଶରାଜ ସାର୍ । ଆମେ କେଜିଏଫ-2ର ପୁର୍ନବାର ସୁଟିଂ ଆରମ୍ଭ କରୁ । ଚଳଚ୍ଚିତ୍ର ପ୍ରତି ଥିବା ସମସ୍ତଙ୍କ ଉତ୍ସାହ ପାଇଁ ସମସ୍ତଙ୍କୁ ଧନ୍ୟବାଦ ।
କେଜିଏଫ-2 ରେ ସଞ୍ଜୟ ଦତ୍ତ ଏବଂ ରବୀନା ଟଣ୍ଡନ୍ ମଧ୍ୟ ଅଭିନୟ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
