ମୁମ୍ବାଇ: ବି-ଟାଉନର କୁଇନ କଙ୍ଗନା ରଣାୱତ ସବୁବେଳେ ବିବାଦୀୟ ବୟାନ ପାଇଁ ଚର୍ଚ୍ଚାର ବିଷୟ ପାଲଟିଥାଆନ୍ତି । ସେ ବଲିଉଡଲରେ କଣ୍ଟ୍ରୋଭର୍ସି ଆକ୍ଟ୍ରେସ ରୂପେ ମଧ୍ୟ ଜଣାଶୁଣା । ଏବେ ପୁଣି ସେ ନିଜ ବୟାନକୁ ନେଇ ଚର୍ଚ୍ଚାରେ ଆସିଛନ୍ତି । ନିକଟରେ ରିଲିଜ ହୋଇଥିବା ତାଙ୍କ ବହୁ ଚର୍ଚ୍ଚିତ ଫିଲ୍ମ 'ମଣିକର୍ଣ୍ଣିକା' ଖୁବ୍ କଣ୍ଟ୍ରୋଭର୍ସି୍ରେ ରହିଥିଲା । ଅନ୍ୟପଟେ ଏହି ଫିଲ୍ମରେ ତାଙ୍କ ଅଭିନୟ ପାଇଁ ତାଙ୍କର ଖୁବ୍ ପ୍ରଶଂସା କରିଥିଲେ ଦର୍ଶକ।
ଫିଲ୍ମର ଡାୟରେକ୍ସନରୁ ନେଇ ଷ୍ଟାରକାଷ୍ଟ ପର୍ଯ୍ୟନ୍ତ ଫିଲ୍ମରେ ସମସ୍ୟା ଦେଖାଦେଇଥିଲା । ଫିଲ୍ମଟିକୁ ତିଆରି କରିବାର ସବୁ କ୍ରେଡିଟ୍ କଙ୍ଗନା ନିଜ ନାମରେ କରିଥିଲେ । କଙ୍ଗନାଙ୍କୁ ଫିଲ୍ମ ଇଣ୍ଡଷ୍ଟ୍ରର ଏହି କଥାରେ ଏଯାବତ ଆପତ୍ତି ଅଛି ଯେ ଫିଲ୍ମକୁ ଯେଉଁ ସେହ୍ନ ଓ ପ୍ରେମ ମିଳିବା କଥା ତାହା ମିଳିନାହିଁ ।
ନିକଟରେ ଏକ ସକ୍ଷାତକାରରେ କଙ୍ଗନା ନେସନାଲ ଆୱାର୍ଡ ଉପରେ ନିଜର ପ୍ରତିକ୍ରିୟା ଦେଇ କହିଥିଲେ କି କିଛି ଜିନିଷର ଯଦି ଆପଣ ସମ୍ମାନ କରିବେ ନାହିଁ, ତେବେ ଏହା ସେହି ସଂଗଠନ ପାଇଁ ଅପମାନଜନକ ।
ଯଦିଓ ସେ ଏବଂ ତାଙ୍କ ଫିଲ୍ମ 'ମଣିକର୍ଣ୍ଣିକା' ନେସନାଲ ଆୱାର୍ଡ ଜିତିପାରିବେ ନାହିଁ । ତେବେ ସେହି ପୁରସ୍କାର ସମାରୋହର ବିଶ୍ୱସନୀୟତା ଉପରେ ପ୍ରଶ୍ନ ଉଠାଇବା କଥା । କିନ୍ତୁ ଏମିତିରେ ଅନ୍ୟ କେହି ତାଙ୍କ ଠାରୁ ଭଲ କରୁଛନ୍ତି ତେବେ କହିବା ପାଇଁ ପର୍ଯ୍ୟାପ୍ତ ହେବ କି ସେ ତାଙ୍କ ଠାରୁ ଭଲ ।
ସେ ଆହୁରି କହିଥିଲେ କି ଗତ ବର୍ଷ ତବ୍ବୁ 'ଅନ୍ଧାଧୁନ'ରେ ଶାନଦାର କାମ କରିଥିଲେ । ସେ ଯାହା କରିଥିଲେ, ତାହା ଦେଖି ସେ ଆଶ୍ଚର୍ଯ୍ୟ ହୋଇଯାଇଥିଲେ । କିନ୍ତୁ ତାଙ୍କୁ ବି କୌଣସି ସପୋର୍ଟ କିମ୍ବା ସେହ୍ନ ମିଳିନଥିଲା ।
