ହାଇଦ୍ରାବାଦ: କଙ୍ଗନା ରଣାୱତ ଫିଲ୍ମ ଇଣ୍ଡଷ୍ଟ୍ରିରେ ବିବାଦୀୟ ବୟାନ ପାଇଁ ବେଶ୍ ଜଣାଶୁଣା । ଗତ କିଛି ଦିନ ହେବ ସେ ତାଙ୍କ ବୟାନ ହେତୁ ଚର୍ଚ୍ଚାରେ ରହିଆସିଛନ୍ତି। ବର୍ତ୍ତମାନ ଆଲିଆ ଭଟ୍ଟଙ୍କ ଅଭିନୀତ ଚଳଚ୍ଚିତ୍ର 'ଗଙ୍ଗୁବାଇ କାଠିଆୱାଡି' କଙ୍ଗନାଙ୍କ ଆଖି ଆଗରେ ପଡିଛି। କଙ୍ଗନା ଏହି ଚଳଚ୍ଚିତ୍ର ସହିତ ଜଡିତ ଲୋକଙ୍କ ଉପରେ ପୂର୍ବରୁ ବାରମ୍ବାର ପାଟି ଖୋଲିଥିଲେ, କିନ୍ତୁ ବର୍ତ୍ତମାନ ଏହି ଚଳଚ୍ଚିତ୍ର ପାଇଁ କଙ୍ଗନାଙ୍କ ପାଟିରୁ ପ୍ରଶଂସା ଶବ୍ଦ ଶୁଣିବାକୁ ମିଳୁଛି। ଏହା ସହ ଅଭିନେତ୍ରୀ ଏପର୍ଯ୍ୟନ୍ତ ତାଙ୍କର ସମାଲୋଚନା ଶୈଳୀ କିନ୍ତୁ ଛାଡି ନାହାଁନ୍ତି ।
ବାସ୍ତବରେ, କଙ୍ଗନା ଶନିବାର ତାଙ୍କ ଇନଷ୍ଟା ଷ୍ଟୋରୀରେ ଏକ ପୋଷ୍ଟ କରି 'ଚଳଚ୍ଚିତ୍ର ମାଫିଆ'କୁ ପ୍ରଶଂସା କରିଛନ୍ତି । କଙ୍ଗନା ତାଙ୍କର ସର୍ବଶେଷ ପୋଷ୍ଟରେ ଲେଖିଛନ୍ତି, ଶୁଣିବାକୁ ଖୁସି ଲାଗିଲା ଯେ, ଦକ୍ଷିଣ ଚଳଚ୍ଚିତ୍ର ଇଣ୍ଡଷ୍ଟ୍ରି ପୁଣି ଥରେ ରେକର୍ଡ ତୋଡ୍ ଚଳଚ୍ଚିତ୍ର ନିର୍ମାଣ କରି ଦର୍ଶକଙ୍କୁ ପ୍ରେକ୍ଷାଳୟ ଆଡକୁ ଟାଣି ନେଉଛି। ମୁଁ ଶୁଣିଲି ଯେ ବଲିଉଡରେ ମଧ୍ୟ ଏପରି କିଛି ଛୋଟ ପଦକ୍ଷେପ ନିଆଯାଉଛି, ନିକଟରେ ମହିଳା କେନ୍ଦ୍ରିତ ଫିଲ୍ମ ସହିତ ଏମିତି କିଛି କରାଯାଉଛି, ଯେଉଁଥିରେ ଜଣେ ବଡ ହିରୋ ଏବଂ ସୁପରଷ୍ଟାର୍ ନିର୍ଦ୍ଦେଶକ ଅଛନ୍ତି ।
ଯଦିଓ ତାହା ଏକ ପ୍ରାରମ୍ଭିକ ହୋଇପାରେ, କିନ୍ତୁ ସେଗୁଡ଼ିକ କୌଣସି ଗୁରୁତ୍ୱପୂର୍ଣ୍ଣ ନୁହେଁ, ସିନେମାଗୁଡ଼ିକ ପାଇଁ ସେମାନେ ଗୁରୁତ୍ବପୂର୍ଣ୍ଣ ହେବେ, ଯେଉଁମାନେ ସେମାନଙ୍କର ଶେଷ ନିଶ୍ବାସକୁ ଗଣନା କରୁଛନ୍ତି, ମହାନ, କେବେ ଭାବି ନଥିଲେ ଯେ ଫିଲ୍ମ ମାଫିଆ ଏହି ଉଦ୍ଦେଶ୍ୟରେ ପହଞ୍ଚିବେ ଏବଂ କିଛି ଭଲ କରିବେ, ଯଦି ସେମାନେ ଏହିପରି କରୁଛନ୍ତି । ତେବେ ଆମେ ସେମାନଙ୍କୁ ସମ୍ପୂର୍ଣ୍ଣରୂପେ ପ୍ରଶଂସା କରିବୁ, ମୁଁ ଭଲ ପାଇଁ ଆଶା କରେ ।'
ଏହାପୂର୍ବରୁ ସୋସିଆଲ ମିଡିଆରେ ଭାଇରାଲ ହୋଇଥିବା ରିକ୍ରିଏଟ ଭିଡିଓକୁ ନେଇ କଙ୍ଗନା ଆଲିଆଙ୍କୁ ଟାର୍ଗେଟ କରିଥିଲେ। ଆଲିଆଙ୍କ ଫିଲ୍ମ 'ଗଙ୍ଗୁବାଇ କାଠିଆୱାଡି' ବିଷୟରେ କଙ୍ଗନା ସ୍ପଷ୍ଟ ଭାବରେ କହିଥିଲେ ଯେ ଫେବୃଆରୀ 25ରେ 200 କୋଟି ଟଙ୍କା ନଷ୍ଟ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
