ନୂଆଦିଲ୍ଲୀ: ସୁନ୍ଦରୀ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଡିଜ ଓ ରାପର ବାଦଶାହଙ୍କ ମ୍ୟୁଜିକ ଭିଡିଓ ‘ଗେନ୍ଦା ଫୁଲ୍’ ବେଶ ଲୋକପ୍ରିୟ ହୋଇଥିଲା । ଏବେ ଦ୍ବିତୀୟ ମ୍ୟୁଜିକ ଭିଡିଓ ‘ପାନି ପାନି’ ନେଇ ଫେରିଲେ ‘ଗେନ୍ଦା ଫୁଲ୍’ ଯୋଡି ଜ୍ୟାକଲିନ ଓ ବାଦଶାହ ।
ଯେଉଁଥିରେ ଉଭୟଙ୍କ ଚମତ୍କାର କେମେଷ୍ଟ୍ରି ଦେଖିବାକୁ ମିଳୁଛି ।
ବାଦଶାହଙ୍କ ନୂଆ ଗୀତ ‘ପାନି ପାନି’ ରିଲିଜ୍ ହେବା ମାତ୍ରେ ୟୁଟ୍ୟୁବରେ ଧମାଲ କରୁଛି ।
‘ପାନି ପାନି’ ଗୀତରେ ଜ୍ୟାକଲିନଙ୍କ ଲୁକକୁ ମଧ୍ୟ ଫ୍ୟାନ୍ସ ବହୁତ ପସନ୍ଦ କରୁଛନ୍ତି । ଯେଉଁଥିରେ ସେ ରାଜସ୍ଥାନୀ ଲୁକରେ ନଜର ଆସିଛନ୍ତି । ଏହି ଗୀତରେ ସ୍ବର ଦେଇଛନ୍ତି ଆସ୍ତା ଗିଲ ।
ପ୍ରକାଶ ଥାଉ ଯେ, 2020 ରେ ମଧ୍ୟ ଜ୍ୟାକଲିନ୍ ଏବଂ ବାଦଶାହ ‘ଗେନ୍ଦା ଫୁଲ୍’ ଗୀତରେ ନଜର ଆସିଥିଲେ । ଯାହା ଏକ ଜବରଦସ୍ତ ହିଟ୍ ହୋଇଥିଲା ।
