ହାଇଦ୍ରାବାଦ: ଫରହାନ୍ ଏବଂ ଶିବାନୀଙ୍କ ପରେ ବର୍ତ୍ତମାନ କପୁର ପରିବାରରୁ ଆସିଲା ଖୁସି ଖବର । ସାହିଦ କପୁରଙ୍କ ଭଉଣୀ ସନାହା ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି। ବିବାହ ରୀତିନୀତି ଆରମ୍ଭ ହୋଇଯାଇଛି ଏବଂ ଏହି ରୀତିନୀତିର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସହିଦଙ୍କ ଭଉଣୀ ବିବାହ
ନିକଟରେ ଫରହାନ ଅଖତର ଏବଂ ଶିବାନୀ ଦାଣ୍ଡେକର ଖଣ୍ଡାଲାରେ ଏକ ବ୍ୟକ୍ତିଗତ ଢଙ୍ଗରେ ବିବାହ କରିଥିଲେ । ବର୍ତ୍ତମାନ ଭେଟେରାନ୍ କଳାକାର ସୁପ୍ରିୟା ପାଠକ୍ ଏବଂ ପଙ୍କଜ କପୁରଙ୍କ ଝିଅ ଅର୍ଥାତ୍ ସାହିଦ କପୁରଙ୍କ ସମ୍ପର୍କୀୟ ଭଉଣୀ ସନାହା କପୁର (Shahid Kapoor Sister Sanah Kapoor) ବିବାହ କରିବାକୁ ଯାଉଛନ୍ତି। ସେ ଭେଟେରାନ ଅଭିନେତା ମନୋଜ ପହୱା ଏବଂ ସୀମା ପହୱାଙ୍କ ପୁଅ ମୟଙ୍କ ପହୱାଙ୍କୁ ବିବାହ କରିବେ। ସନାହା କପୁର ଏବଂ ମୟଙ୍କ ପହୱାଙ୍କ ବିବାହ ଆଜି (ମାର୍ଚ୍ଚ 2) ମହାବଲେଶ୍ବରରେ ହେବ। ଗତକାଲି ରାତିରେ ମେହେନ୍ଦୀ ସେରିମୋନି ହୋଇଥିଲା, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏହି କାର୍ଯ୍ୟକ୍ରମରେ ପରିବାର ଲୋକେ ସାମିଲ ହୋଇଥିଲେ।
ପହୱା ଏବଂ କପୁର ଦୀର୍ଘ ବର୍ଷ ପରସ୍ପରକୁ ଜାଣିଛନ୍ତି । ସନାହା ଏବଂ ମୟଙ୍କ ମଧ୍ୟ ଦୀର୍ଘ ଦିନରୁ ପରସ୍ପରକୁ ଜାଣିଛନ୍ତି । ଖବର ଅନୁଯାୟୀ, ସେମାନଙ୍କର କିଛି ସମୟ ପୂର୍ବରୁ ନିର୍ବନ୍ଧ ସରିଛି । ସନାହା ବିକାଶ ବହଲଙ୍କ 'ଶାନଦାର'ର ସହିତ ବଡ ପରଦାରେ ଡେବ୍ୟୁ କରିଥିଲେ । ଏଥିରେ ସହିଦ କପୁର ଏବଂ ଆଲିଆ ଭଟ୍ଟ ମୁଖ୍ୟ ଭୂମିକାରେ ଅଭିନୟ କରିଥିଲେ। ଏହି ଚଳଚ୍ଚିତ୍ରରେ ପଙ୍କଜ କପୁର ମଧ୍ୟ ଏକ ପ୍ରମିଖ ଭୂମିକାରେ ଅଭିନୟ କରିଥିଲେ।
ଫିଲ୍ମ ଇଣ୍ଡଷ୍ଟ୍ରିରେ ଚାଲିଛି ବିବାହ ଋତୁ
ଫିଲ୍ମ ଇଣ୍ଡଷ୍ଟ୍ରିରେ ଏବେ ବିବାହ ଋତୁ ଆରମ୍ଭ ହୋଇଯାଇଛି। ଡିସେମ୍ବର 2021 ରେ କ୍ୟାଟ୍ରିନା କୌଫ ଏବଂ ଭିକି କୌଶଲଙ୍କ ଡେଷ୍ଟିନେସନ ଓ୍ବେଡିଂରୁ ଏହା ଆରମ୍ଭ ହୋଇଥିଲା । ଦୁହେଁ ରାଜସ୍ଥାନର ଫୋର୍ଟ ବରୱାରାରେ ବିବାହ କରିଥିଲେ। ଏହା ପରେ ଅଙ୍କିତା ଲୋଖଣ୍ଡେ ଏବଂ ବିକି ଜୈନ ବିବାହ କରିଥିଲେ। ମୋନି ରୟ ଜାନୁଆରୀରେ ସୁରଜ ନାମ୍ବିଆରଙ୍କୁ ବିବାହ କରିଥିବାବେଳେ କରିସ୍ମା ତନ୍ନା ଏବଂ ବରୁଣ ବଙ୍ଗେରା ଫେବୃଆରୀରେ ବିବାହ କରିଥିଲେ। ଏହାପରେ ବିକ୍ରାନ୍ତ ମେସି ଏବଂ ଶୀତଲ ଠାକୁର ବିବାହ ବନ୍ଧନରେ ବାନ୍ଧି ହୋଇଥିଲେ।
ବ୍ୟୁରୋ ରିପୋର୍ଟ, ଇଟିଭି ଭାରତ
