ମୁମ୍ବାଇ: ଭାରତରେ ଗୁଗଲ ସର୍ଚ୍ଚରେ ଚଳିତ ବର୍ଷ ଅଗଷ୍ଟ ପ୍ରଥମ ସପ୍ତାହ ପର୍ଯ୍ୟନ୍ତ ସବୁଠାରୁ ଅଧିକ ଖୋଜା ଯାଇଥିବା ସେଲିବ୍ରିଟିଙ୍କ ସୂଚୀ ସାମ୍ନାକୁ ଆସିଯାଇଛି । ଆଉ ଏଥର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୁପରଷ୍ଟାର ସଲମାନ ଖାନ ଓ ଶାହରୁଖ ଖାନଙ୍କୁ ପଛରେ ପକାଇ ପ୍ରଥମ ସ୍ଥାନ ଅକ୍ତିଆର କରିଛନ୍ତି ସେକ୍ସୀ ଅଭିନେତ୍ରୀ ସନ୍ନି ଲିଓନୀ ।
ଗୁଗଲ ଟ୍ରେଣ୍ଡସ ଆନାଲିଟିକ୍ସ ଅନୁଯାୟୀ ସନ୍ନିଙ୍କ ଭିଡିଓକୁ ଅଧିକ ଗୁଗଲରେ ସର୍ଚ୍ଚ କରାଯାଇଛି । ଏହା ବ୍ୟତୀତ ତାଙ୍କ ବାୟୋପିକ ‘କରଣଜିତ କୌର: ଦ ଅନଟୋଲ୍ଡ ଷ୍ଟୋରୀ ଅଫ ସନ୍ନି ଲିଓନୀ’ ଦେଖିବା ପାଇଁ ଦର୍ଶକ ଗୁଗଲରେ ସର୍ଚ୍ଚ କରିଛନ୍ତି ।
ସବୁଠାରୁ ମଜାଦାର କଥା ହେଲା କି ଭାରତରେ ଅଧିକାଂଶ ଦର୍ଶକ ସନ୍ନିଙ୍କୁ ଗୁଗଲରେ ସର୍ଚ୍ଚ କରୁଛନ୍ତି । ଆଉ ଅଧିକା ସଂଖ୍ୟାରେ ଉତ୍ତର ପୂର୍ବ ରାଜ୍ୟ ମଣିପୁର ଏବଂ ଆସାମବାସୀ ହିଁ ସନ୍ନିଙ୍କୁ ଗୁଗଲରେ ସର୍ଚ୍ଚ କରିଛନ୍ତି ।
ଶୀର୍ଷ ସ୍ଥାନରେ ରହିବାରୁ ନିଜ ପ୍ରତିକ୍ରିୟା ଦେଇ ସନ୍ନି କହିଛନ୍ତି କି ତାଙ୍କ ଟିମ ତାଙ୍କୁ ଏହି ବିଷୟରେ ସୂଚନା ଦେଇଥିଲେ । ଏହାର ଶ୍ରେୟ ଫ୍ୟାନ୍ସଙ୍କୁ ଦେବାକୁ ଚାହୁଁଛି । ଯିଏ ସବୁବେଳେ ତାଙ୍କ ପାଇଁ ଠିଆ ହୋଇଛନ୍ତି । ଏହା ଶାନଦାର ଭାବନା । ପ୍ରକାଶ ଥାଉ କି ଗତ ବର୍ଷ ମଧ୍ୟ ସନ୍ନି ଗୁଗଲ ସର୍ଚ୍ଚରେ ପ୍ରଥମ ସ୍ଥାନ ହାସଲ କରିଥିଲେ ।
