ହାଇଦ୍ରାବାଦ: ହ୍ରିତିକ ରୋଶନ (Hrithik Roshan) ଏବଂ ଦୀପିକା ପାଦୁକୋନ (Deepika Padukone)ଙ୍କ ଫିଲ୍ମ ଫାଇଟର ପରଦାରେ ରିଲିଜ ହେବାକୁ ଯାଉଛି । ବର୍ତ୍ତମାନ ଏହି ଚଳଚ୍ଚିତ୍ର ସହିତ ଜଡିତ ଏକ ବଡ ଖବର ସାମ୍ନାକୁ ଆସୁଛି, ଯାହା ଶୁଣି ପ୍ରଶଂସକମାନେ ବହୁତ ଖୁସି ଦେଖାଯାଉଛନ୍ତି । ବାସ୍ତବରେ ଫିଲ୍ମ 'ଫାଇଟର୍' (Fighter Release Date)ର ନୂଆ ରିଲିଜ୍ ତାରିଖ ଘୋଷଣା କରାଯାଇଛି । ଏହାପୂର୍ବରୁ ଏହି ଚଳଚ୍ଚିତ୍ରଟି 26 ଜାନୁଆରୀରେ ରିଲିଜ୍ ହେବାର ଥିଲା କିନ୍ତୁ କୌଣସି କାରଣରୁ ଏହି ଫିଲ୍ମର ରିଲିଜ୍ ତାରିଖ ସ୍ଥଗିତ ରଖାଯାଇଥିଲା କିନ୍ତୁ ବର୍ତ୍ତମାନ ଏହି ଫିଲ୍ମର ରିଲିଜ୍ ତାରିଖ ଘୋଷଣା କରାଯାଇଛି ।
- " class="align-text-top noRightClick twitterSection" data="
">
ହ୍ରିତିକ ରୋଶନ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଫିଲ୍ମର ରିଲିଜ ତାରିଖ ଘୋଷଣା କରିଛନ୍ତି। ଅଭିନେତା ଏହି ଚଳଚ୍ଚିତ୍ରର ଟିଜରକୁ ସେୟାର କରିଛନ୍ତି, ଏଥିସହିତ ସେ କ୍ୟାପସନରେ ଲେଖିଛନ୍ତି, 2023 ସେପ୍ଟେମ୍ବର 28... ହ୍ରିତିକ ରୋଶନ ଏହାକୁ ସେୟାର କରିବା ସହିତ ସିଦ୍ଧାର୍ଥ ଆନନ୍ଦ ଏବଂ ଦୀପିକା ପାଦୁକୋନଙ୍କ ସହ ଅନୀଲ କପୁରଙ୍କୁ ଟ୍ୟାଗ କରିଛନ୍ତି । ଟିଜରର ଆରମ୍ଭରେ ଫିଲ୍ମର ନାମ ଆସୁଛି ଏବଂ ଗୁଳିର ଶବ୍ଦ ଶୁଣାଯାଉଛି, ତା’ପରେ ହ୍ରିତିକ ରୋଶନ, ଦୀପିକା ପାଦୁକୋନ ଏବଂ ଅନିଲ କପୁର ନାଁ ଆସୁଛି ।
ଅନିଲ କପୁରଙ୍କ ନାମ ଆସିବା ପରେ ଏହା ସ୍ପଷ୍ଟ ଯେ ଅନିଲ କପୁରଙ୍କୁ ମଧ୍ୟ ଏହି ଚଳଚ୍ଚିତ୍ରରେ ଦେଖିବାକୁ ମିଳିବ ଏବଂ ଶେଷରେ ଫିଲ୍ମର ରିଲିଜ ତାରିଖର ଖୁଲାସା ହେଉଛି । ଏହି ପୋଷ୍ଟରେ ହ୍ରିତିକ ରୋଶନଙ୍କ ପ୍ରଶଂସକମାନେ ଲଗାତାର କମେଣ୍ଟ ଦେଉଛନ୍ତି। ଏହି ଚଳଚ୍ଚିତ୍ରଟି ଦୀର୍ଘ ସମୟ ଧରି ଚର୍ଚ୍ଚାରେ ରହିଆସିଥିଲା । ଏହି ଚଳଚ୍ଚିତ୍ରଟି ସିଦ୍ଧାର୍ଥ ଆନନ୍ଦଙ୍କ ଦ୍ୱାରା ନିର୍ଦ୍ଦେଶିତ, ଯିଏକି ପୂର୍ବରୁ ବଲିଉଡରେ ଅନେକ ହିଟ୍ ଫିଲ୍ମ ଦେଇଛନ୍ତି । କହିବାକୁ ଗଲେ ସିଦ୍ଧାର୍ଥ ଆନନ୍ଦ 'Bang Bang ' ଏବଂ 'War' ପରେ ତୃତୀୟ ଥର ପାଇଁ ହ୍ରିତିକଙ୍କ ସହ କାମ କରୁଛନ୍ତି । ଏହି ଦୁଇଟି ଚଳଚ୍ଚିତ୍ରରେ ଦର୍ଶକଙ୍କ ଠାରୁ ଭଲ ପ୍ରତିକ୍ରିୟା ମିଳିଥିଲା ଏବଂ ଆଶା କରାଯାଉଛି ଯେ ଏହି ଫିଲ୍ମ ମଧ୍ୟ ଏକ ସୁପର ହିଟ୍ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
