ମୁମ୍ବାଇ: ପ୍ରଥମଥର ଦର୍ଶକ ବଡ ପରଦାରେ ଦେଖିବାକୁ ପାଇବେ ସୁପରଷ୍ଟାର ହ୍ରିତିକ ରୋଶନ ଓ ବାଗୀ ଫେମ ଅଭିନେତା ଟାଇଗର ଶ୍ରଫଙ୍କ ଦମଦାର ଅବତାର । ଦୀର୍ଘସମୟରୁ ଏହି ଖବର ଜୋର ଧରିଥିଲା ଏହି ଦୁଇଷ୍ଟାର ଆକ୍ସନଭରା ଫିଲ୍ମ 'ୱାର' ନେଇ ପରଦାରେ ଦେଖାଯିବେ । ଫ୍ୟାନ୍ସ ମଧ୍ୟ ଫିଲ୍ମରୁ ଦୁଇ ଅଭିନେତାଙ୍କ ଝଲକ ଦେଖିବାକୁ ଖୁବ୍ ଅପେକ୍ଷା କରି ବସିଛନ୍ତି । ଏବେ ଲାଗୁଛି ଯେ ଫ୍ୟାନ୍ସଙ୍କ ଅପେକ୍ଷାର ଅନ୍ତ ଘଟିବ । କାରଣ ରିଲିଜ ହୋଇଯାଇଛି 'ୱାର'ର ଦମଦାର ଟିଜର ।
ଏହି ଅବସରରେ ଫିଲ୍ମ କ୍ରିଟିକ ଏବଂ ଟ୍ରେଡ ଆନାଲିଷ୍ଟ ତରଣ ଆଦର୍ଶ ଫିଲ୍ମର ଟିଜର ସେୟାର କରିଛନ୍ତି । ଏହାସହ ସେ ଫିଲ୍ମର ରିଲିଜ ତାରିଖ ମଧ୍ୟ ଘୋଷଣା କରିଛନ୍ତି । ଫିଲ୍ମଟି ଏବର୍ଷ ଅକ୍ଟୋବର 2ରେ ସିନେମାଘରେ ରିଲିଜ ହେବାକୁ ଯାଉଛି । ଖାଲି ଏତିକି ନୁହେଁ ସେ ଟ୍ବିଟରରେ ଫିଲ୍ମର ଫାଷ୍ଟ ଲୁକ ପୋଷ୍ଟର ମଧ୍ୟ ସେୟାର କରିଛନ୍ତି ।
ୟଶ ରାଜ ବ୍ୟାନରରେ ତିଆରି ହୋଇଥିବା 'ୱାର' ଫିଲ୍ମର ଏହି ଟିଜରରେ ପ୍ରଥମେ ଆକ୍ସନର ଓଭରଡୋଜ ଦେଖିବାକୁ ମିଳୁଛି । ହ୍ରିତିକଙ୍କ ଜବରଦସ୍ତ ଆକ୍ସନ ଆଉ ଟାଇଗରଙ୍କ ଦମଦାର ଅବତାର ଦର୍ଶକଙ୍କୁ ନିହାତି ପସନ୍ଦ ଆସିବ । କାରଣ ଦର୍ଶକ ପ୍ରଥମଥର ଦୁଇ ଆକ୍ସନ ହିରୋଙ୍କ ଫାଇଟ ପରଦାରେ ଦେଖିବାକୁ ପାଇବେ । ଖାଲି ଏତିକି ନୁହେଁ, ସେକ୍ସୀ ଅଭିନେତ୍ରୀ ବାଣୀ କପୁରଙ୍କ ବୋଲ୍ଡ ଅବତାର ମଧ୍ୟ ଦର୍ଶକଙ୍କ ଦିୱାନା କରିବାରେ ସମ୍ଭାବନା ଅଛି ।
