ମୁମ୍ବାଇ: ଚୁଲବୁଲି ଅଭିନେତ୍ରୀ ତାପସୀ ପନ୍ନୁ ବ୍ୟାକ ଟୁ ବ୍ୟାକ ଫିଲ୍ମ ନେଇ ପରଦାରେ ନଜର ଆସିବେ । ଏହି କ୍ରମରେ ସାମିଲ ଅଛି ତାଙ୍କ ‘ରଶ୍ମୀ ରକେଟ’, ‘ଲୁପ ଲପେଟା’, ‘ହସୀନ ଦିଲରୁବା’ ଭଳି ଫିଲ୍ମ । ଇତିମଧ୍ୟରେ ଦର୍ଶକଙ୍କ ଏକ୍ସାଇଟମେଣ୍ଟ ବଢାଇବା ପାଇଁ ‘ହସୀନ ଦିଲରୁବା’ ଫିଲ୍ମର ଟିଜର ରିଲିଜ କରିଦେଇଛନ୍ତି ମେକର୍ସ । ଯାହାକୁ ନେଇ ଚର୍ଚ୍ଚା । ତାପସୀଙ୍କ ଏହା ଦ୍ବିତୀୟ ଅପକମିଂ ଫିଲ୍ମ ଯାହା ଏବର୍ଷ ରିଲିଜ ହେବାକୁ ଯାଉଛି । ଗତ ବର୍ଷ ତାଙ୍କୁ ଶେଷଥର ଫିଲ୍ମ ‘ଥାପଡ’ରେ ଦେଖିବାକୁ ମିଳିଥିଲା । ଯାହା ହିଟ୍ ହୋଇଥିଲା । ଏହି ଫିଲ୍ମ ପାଇଁ ସେ ଜାତୀୟ ପୁରସ୍କାରରେ ପୁରସ୍କୃତ ହୋଇଥିଲେ ।
ସେହିପରି ‘ହସୀନ ଦିଲରୁବା’ ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ରିଲିଜ ହେବାକୁ ଯାଉଛନ୍ତି । ଟିଜର ରିଲିଜ ହେବା ସୂଚନା ନେଟଫ୍ଲିକ୍ସ ଇନଷ୍ଟାଗ୍ରାମରେ ଦିଆଯାଇଛି । ଯାହାର କ୍ୟାପସନରେ ଲେଖାଯାଇଛି, ‘ପ୍ୟାର କେ ତିନ ରଙ୍ଗ୍, ଖୁନ୍ କେ ଚେତୋନ କେ ସଙ୍ଗ । ହସୀନ ଦିଲରୁବା । ଦ ଅଲଟିମେଟ୍ କନସ୍ପେରେନ୍ସି ।’
- " class="align-text-top noRightClick twitterSection" data="">
ପ୍ରକାଶ ଥାଉକି ତାପସୀଙ୍କ ସହ ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ ଅଭିନେତା ବିକ୍ରାନ୍ତ ମେସି ଓ ହର୍ଷବର୍ଦ୍ଧନ ରାଣେ। ଆସନ୍ତା ଜୁଲାଇ 2 ତାରିଖରେ ନେଟଫ୍ଲିକ୍ସରେ ସମସ୍ତେ ଦେଖିପାରିବେ ଫିଲ୍ମ ।
ବ୍ୟୁରୋ ରିପୋର୍ଟ, ଇଟିଭି ଭାରତ
