ହାଇଦ୍ରାବାଦ: 'ରାମ' ଏବଂ 'ସୀତା' ଭୂମିକାରେ ଅଭିନୟ କରିଥିବା ଗୁରୁମିତ ଚୌଧୁରୀ ଏବଂ ଦେବିନା ବାନାର୍ଜୀ ଟେଲି ଇଣ୍ଡଷ୍ଟ୍ରିର ଲୋକପ୍ରିୟ ଯୋଡି । ଦୁହିଁଙ୍କ ଯୋଡିକୁ ସମସ୍ତ ପସନ୍ଦ କରିଥାନ୍ତି । ଏହି ଯୋଡି ପ୍ରଶଂସକଙ୍କୁ ଖୁସି ଖବର ଦେଇଛନ୍ତି। ଦମ୍ପତିଙ୍କ ଘରେ ବିବାହର 11 ବର୍ଷ ପରେ, ପ୍ରଥମ ସନ୍ତାନ ଆସିବାକୁ ଯାଉଛି । ଦମ୍ପତି ଫ୍ୟାନ୍ସଙ୍କ ପାଇଁ ଫଟୋ ସେୟାର କରି ଏହି ଖୁସି ଖବର ଦେଇଛନ୍ତି । ବର୍ତ୍ତମାନ ପ୍ରଶଂସକ ଏବଂ ଟିଭି ସେଲିବ୍ରିଟି ସେମାନଙ୍କୁ ଅଭିନନ୍ଦନ ଜଣାଉଛନ୍ତି ।
- " class="align-text-top noRightClick twitterSection" data="
">
ଟିଭି ଅଭିନେତା ଗୁରୁମିତ ଚୌଧୁରୀ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ପତ୍ନୀ ଦେବିନାଙ୍କ ସହ ଏକ ଫଟୋ ସେୟାର କରି କ୍ୟାପସନରେ ଲେଖିଛନ୍ତି - 'ବର୍ତ୍ତମାନ ଆମେ ତିନି ହେବାକୁ ଯାଉଛୁ' ଜୁନିଅର ଚୌଧୁରୀ ଆସୁଛି। ଆପଣଙ୍କ ଆଶୀର୍ବାଦ ଆବଶ୍ୟକ।' ଦେବିନା ଏବଂ ଗୁରମିତ ଏହି ଫଟୋରେ ବହୁତ ଖୁସି ନଜର ଆସୁଛନ୍ତି । ଏହି ଖୁସି ଖବର ପାଇଁ ପ୍ରଶଂସକମାନେ ବର୍ତ୍ତମାନ ଦମ୍ପତିଙ୍କୁ ବହୁତ ଅଭିନନ୍ଦନ ଜଣାଉଛନ୍ତି । ଦେବିନା ଏହି ଫଟୋରେ ଏକ ମିନି ସ୍କର୍ଟ ପିନ୍ଧିଥିବାର ନଜର ଆସିଛନ୍ତି । ଏହି ସମୟରେ ତାଙ୍କ ବେବି ବମ୍ପ ମଧ୍ୟ ନଜର ଆସିଛି । ଦୁହେଁ ତାଙ୍କ ପିଲାଙ୍କୁ ନେଇ ଖୁବ୍ ଉତ୍ସାହିତ ଅଛନ୍ତି।
ଟିଭି ସିରିଏଲ 'ରାମାୟଣ'ରେ ରାମ-ସୀତାଙ୍କ ଭୂମିକାରେ ଗୁରମିତ ଏବଂ ଦେବିନା ଅନେକ ଚର୍ଚ୍ଚାରେ। ପ୍ରଶଂସକମାନେ ଏହି ନୂଆ ଯୁଗର ରାମ-ସୀତା ଯୋଡିକୁ ବହୁତ ପସନ୍ଦ କରିଥିଲେ । ଏହି ସିରିଏଲ ପରେ ଏହି ଯୋଡି ସେମାନଙ୍କ ରିଲେସନସିପକୁ ନେଇ ଚର୍ଚ୍ଚାକୁ ଆସିଥିଲେ ।
