ହାଇଦ୍ରାବାଦ: ପଦ୍ମଶ୍ରୀ ନାଟ୍ୟକାର, ଅଭିନେତା ତଥା ନିର୍ଦ୍ଦେଶକ ଗିରୀଶ କର୍ଣ୍ଣଡଙ୍କ 81 ବର୍ଷରେ ଦେହାନ୍ତ ହୋଇଛି । ବେଙ୍ଗାଲୁରୁରେ ଆଜି(10 ଜୁନ) ସକାଳ 6ଟା 30ମିନିଟ ସମୟରେ ପ୍ରାଣତ୍ୟାଗ କରିଛନ୍ତି ଗିରିଶ ।
1974ରେ ପଦ୍ମଶ୍ରୀ, 1992ରେ ପଦ୍ମଭୂଷଣ ପାଇଥିବା ଗିରିଶ 1938 ମସିହା ମେ 19ରେ ମୁମ୍ବାଇରେ ଜନ୍ମ ନେଇଥିଲେ । ଅକ୍ସଫୋର୍ଡ ୟୁନିଭର୍ସିଟିରୁ ରୋହଡ୍ସ ସ୍କୋଲାରସିପ ପାଇଥିବା ଗିରୀଶ 1961ରେ ‘ଯଯାତି’ନାମକ ଏକ ପୁସ୍ତକ ଲେଖିଥିଲେ ।
ଗିରୀଶ 1970ରେ କନ୍ନଡ ଫିଲ୍ମ ସମସ୍କାରରେ ଅଭିନେତା ଜଗତକୁ ଡେବ୍ୟୁ କରିଥିଲେ । ଏହାପରେ ସେ ବିଭିନ୍ନ ଭାଷାରେ ଫିଲ୍ମ କରିଥିଲେ । ଶେଷ ଥର ବଲିଉଡ ଫିଲ୍ମ ‘ଟାଇଗର ଜିନ୍ଦା ହୈ’ ରେ ନଜର ଆସିଥିଲେ ।
ତାଙ୍କ ମୃତ୍ୟୁରେ କର୍ଣ୍ଣାଟକ ମୁଖ୍ୟମନ୍ତ୍ରୀ ଏଚଡି କୁମାରସ୍ବାମୀ ତିନିଦିନ ପାଇଁ ରାଜ୍ୟରେ ଶୋକ ଦିବସ ପାଳନ କରିବା ସହ ଗୋଟିଏ ଦିନ ପାଇଁ ପବ୍ଲିକ ହଲି-ଡେର ମଧ୍ୟ ଘୋଷଣା କରିଛନ୍ତି । ଏହାସହ ବିଶିଷ୍ଟ ଲେଖକ ଅମିତାଭ ଘୋଷ ମଧ୍ୟ ଦୁଃଖ ପ୍ରକାଶ କରିଛନ୍ତି । ଅନ୍ୟପକ୍ଷେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ମଧ୍ୟ ଗିରୀଶ କର୍ଣ୍ଣଡଙ୍କ ମୃତ୍ୟୁରେ ଶୋକ ପ୍ରକାଶ କରିଛନ୍ତି ।
