ମୁମ୍ବାଇ: ଫିଲ୍ମ ନିର୍ମାତା, ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀଙ୍କୁ ନେଇ ଆସିଲା ଗୁଡନ୍ୟୁଜ । ନିକଟରେ କୋରୋନା ଆକ୍ରାନ୍ତ ହୋଇଥିବା ସଞ୍ଜୟଙ୍କ ରିପୋର୍ଟ ଏବେ ନେଗେଟିଭ ଆସିଛି । ହେଲେ ଏଯାବତ ତାଙ୍କ ହେଲ୍ଥ ଅପଡେଟ ସାମ୍ନାକୁ ଆସିନାହିଁ।
ରିପୋର୍ଟ ନେଗେଟିଭ ଆସିବା ପରେ ଶୁଣିବାକୁ ମିଳୁଛି ଯେ ସେ ଶୀଘ୍ର ଆଲିୟା ଭଟ୍ଟଙ୍କ ଅଭିନୀତ ଫିଲ୍ମ ‘ଗଙ୍ଗୁବାଇ କାଠିଆୱାଡି’ର ସୁଟିଂ ଆରମ୍ଭ କରିବେ ବୋଲି । ସେଟକୁ ଫେରିବା ପୂର୍ବରୁ 14 ଦିନ କ୍ବାରେଣ୍ଟାଇନରେ ରହିବେ ସଞ୍ଜୟ ।
ଖବର ଅନୁଯାୟୀ, ନିର୍ମାତା ନିର୍ଦ୍ଧାରିତ କ୍ବାରେଣ୍ଟାଇନ ଅବଧି ପୂର୍ବରୁ ସେଟକୁ ଫେରିବାକୁ ଚାହୁଁନାହାଁନ୍ତି। ବୋଧହୁଏ ସେ ପର୍ଯ୍ୟନ୍ତ ସେ ତାଙ୍କ ମା’ଙ୍କୁ ମଧ୍ୟ ଭେଟିବେ ନାହିଁ। ପ୍ରକାଶ ଥାଉକି ଗତ 9 ତାରିଖରେ ସଞ୍ଜୟଙ୍କ କୋରୋନା ରିପୋର୍ଟ ପଜିଟିଭ ଆସିଥିଲା । ଯାହାପରେ ଅଧାରେ ତାଙ୍କୁ ‘ଗଙ୍ଗୁବାଇ କାଠିଆୱାଡି’ର ସୁଟିଂ ବନ୍ଦ କରିବାକୁ ପଡିଲା । ସେପଟେ ଆଲିୟା ମଧ୍ୟ କୋରୋନା ଟେଷ୍ଟ କରାଇଥିଲେ, କିନ୍ତୁ ତାଙ୍କ ରିପୋର୍ଟ ନେଗେଟିଭ ଆସିଥିଲା । ସଞ୍ଜୟଙ୍କ ପୂର୍ବରୁ ଆଲିୟାଙ୍କ ବୟଫ୍ରେଣ୍ଡ ତଥା ଅଭିନେତା ରଣବୀର କପୁର ମଧ୍ୟ କୋରୋନା ସଂକ୍ରମିତ ହୋଇଥିଲେ ।
