ମୁମ୍ବାଇ: ଫେମସ ନିର୍ମାତା ମହେଶ ଭଟ୍ଟଙ୍କ ଚର୍ଚ୍ଚିତ ମଲ୍ଟି ଷ୍ଟାରର ଫିଲ୍ମ ‘ସଡକ 2’ ଦୀର୍ଘ ସମୟରୁ ଚର୍ଚ୍ଚାରେ । ଓଟିଟି ପ୍ଲାଟଫର୍ମ ଡିଜନି ପ୍ଲସ ହଟ ଷ୍ଟାରରେ ଶୁକ୍ରବାର ରିଲିଜ ହେବ ଫିଲ୍ମ । ହେଲେ ଫିଲ୍ମ ରିଲିଜ ପୂର୍ବରୁ ସମାଲୋଚନାର ଶିକାର ହୋଇସାରିଲାଣି । ସେହିପରି ଫିଲ୍ମ ଟ୍ରେଲରକୁ ୟୁଟ୍ୟୁବରେ ଲାଇକଠୁ ଅଧିକ ଡିସଲାଇକ ମିଳିଥିଲା । ୟୁଟ୍ୟୁବରେ ଏହି ଫିଲ୍ମ ଏଯାବତର ସବୁଠୁ ଅଧିକ ଡିସଲାଇକ ପାଇ ଥିବା ପ୍ରଥମ ଫିଲ୍ମ ସାଜିଛି ।
କିଛି ଦିନ ପୂର୍ବରୁ ଫିଲ୍ମକୁ ନେଇ ଏକ ଲାଇଭ ପୋଲ କରାଯାଇଥିଲା । ଯେଉଁଥିରେ ପଚରା ଯାଇଥିଲା ଆପଣ ଫିଲ୍ମ ଦେଖିବାକୁ ପସନ୍ଦ କରିବେ କି ନାହିଁ ? ଏହି ପୋଲ ରେଜଲ୍ଟ ଅନୁଯାୟୀ 90.9 ପ୍ରତିଶକ ଲୋକ ଫିଲ୍ମ ଦେଖିବାକୁ ମନା କରିଥିଲେ । ଆଉ ମାତ୍ର 9.1 ପ୍ରତିଶତ ଲୋକ ଫିଲ୍ମ ଦେଖିବାକୁ ରାଜି ହୋଇଥିଲେ ।
ପ୍ରକାଶ ଥାଉକି ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରଠୁ ବଲିଉଡ ଓ କିଛି କଳାକାରଙ୍କ ଉପରେ ପରିବାରବାଦ ଭଳି ଅଭିଯୋଗ ଲଗାଇ ଆସୁଛନ୍ତି କ୍ରୋଧିତ ଫ୍ୟାନ୍ସ । ଏହାକୁ ଆଧାର କରି ଯେଉଁ ଫିଲ୍ମରେ ପରିବାରବାଦ ଝଲକ ଦେଖା ଯାଉଛି ସେହି ଫିଲ୍ମକୁ ବ୍ୟାନ କରିବାକୁ ଅଭିଯାନ ମଧ୍ୟ ଆରମ୍ଭ କରିଯାଇଛି । ଏହି କ୍ରମରେ ସର୍ବପ୍ରଥମ ନାମ ସଡକ 2ର । ଏହାର ନିକଟରେ ରିଲିଜ ହୋଇଥିବା ଈଶାନ ଖଟ୍ଟର ଓ ଅନନ୍ୟା ପାଣ୍ଡେଙ୍କ ଫିଲ୍ମ ‘ଖାଲି ପିଲି’ ଟିଜରକୁ ମଧ୍ୟ ୟୁଟ୍ୟୁବରେ ଖୁବ୍ ଡିସଲାଇକ ମିଳିଥିଲା ।
