ମୁମ୍ବାଇ: ଅନୁରାଗଙ୍କ ନିର୍ଦ୍ଦେଶିତ ଓ ନୱାଜୁଦ୍ଦୀନ ସିଦ୍ଦିକୀ, ମନୋଜ ବାଜପେୟୀ ଅଭିନୀତ ଫିଲ୍ମ ‘ଗ୍ୟାଙ୍ଗ୍ସ ଅଫ ୱାସେପୁର’କୁ ଦଶନ୍ଧିର 40ଟି ଶ୍ରେଷ୍ଠ ଆକ୍ସନ ଏବଂ ମାର୍ଶଲ ଆର୍ଟ ଏସିଆ ଫିଲ୍ମ ତାଲିକାରେ ଦ୍ବିତୀୟ ସ୍ଥାନ ମିଳିଛି । ଭାରତରୁ ଏହି ତାଲିକାରେ ମାଲାୟାଲମ ଫିଲ୍ମ ‘ଜାଲିକାଟ୍ଟୁ’ ଏବଂ ବଲିଉଡର ଅନ୍ୟ ଦୁଇଟି ଫିଲ୍ମ 'ମର୍ଦ କୋ ଦର୍ଦ ନେହିଁ ହୋତା’, ‘ଭାବେଶ ଯୋଶୀ’ ମଧ୍ୟ ସାମିଲ ହୋଇଛି ।
ସେହିପରି ‘ମର୍ଦ କୋ ଦର୍ଦ ନେହିଁ ହୋତା’କୁ 16ତମ ସ୍ଥାନରେ ରଖାଯାଇଥିବା ବେଳେ ‘ଭାବେଶ ଯୋଶୀ’ 31ତମ ସ୍ଥାନ ପାଇଛି । ଏସିଆ ଫିଲ୍ମ ପଲ୍ସ ନାମକ ଏକ ୱେବସାଇଟ୍ ଦ୍ବାରା ଏହି ତାଲିକା ଜାରି କରାଯାଇଛି ।
ତାଲିକାରେ ସବୁଠୁ ଅଧିକ ଦକ୍ଷିଣ କୋରିଆ ଫିଲ୍ମ ସ୍ଥାନ ପାଇଛି । କୋରିଆର 10ଟି ଫିଲ୍ମକୁ ସ୍ଥାନ ମିଳିଥିବା ବେଳେ ଭିଏତନାମରୁ ଅତି କମରେ କେବଳ ଗୋଟିଏ ଫିଲ୍ମକୁ ଚୟନ କରାଯାଇଛି । ଏହି ପ୍ରସଙ୍ଗରେ ଭାରତ, ଚୀନ୍, ଇଣ୍ଡୋନେସିଆ ଏବଂ ଫିଲିପାଇନ୍ସ ସହିତ ସମାନ ସ୍ଥାନ ପାଇଛି।
