ମୁମ୍ବାଇ: ଛୋଟ ପରଦାର କୁଇନ ଏକତା କପୁରଙ୍କ ଲୋକପ୍ରିୟ ଶୋ ‘ନାଗିନ’କୁ ବେଶ୍ ପସନ୍ଦ କରନ୍ତି ଦର୍ଶକ । ଟିଆରପି ମାମଲାରେ ମଧ୍ୟ ସବୁ ଧାରାବାହିକକୁ ମାତ୍ ଦେବାରେ ସଫଳ ହୋଇଛି ଏହି ଶୋ । ଏହି ଧାରାବାହିକର 5ଟି ସିଜନ ଏଯାବତ ଦେଖିସାରିଛନ୍ତି ସମସ୍ତେ । ଆଉ ଏହାର ସିଜନ 6 ଦେଖିବାକୁ ଉତ୍ସାହିତ ଦର୍ଶକ । ସେପଟେ ଏକତା ମଧ୍ୟ ସମସ୍ତଙ୍କୁ ମନୋରଞ୍ଜନ କରିବାକୁ ପ୍ରସ୍ତୁତି ଚଳାଇଛନ୍ତି । କାରଣ ସେ ଖୁବଶୀଘ୍ର ଆଣିବାକୁ ଯାଉଛନ୍ତି ‘ନାଗିନ’ର ସିଜନ 6 ।
ଚର୍ଚ୍ଚା ଜୋର ଧରିଛି ଯେ ବର୍ତ୍ତମାନ ତାଙ୍କୁ ସିଜନ 6 ପାଇଁ ନାଗିନ ମିଳିଯାଇଛନ୍ତି । ଏଥର ନିଜ ଶୋର ନାଗିନ ସେ ଅଭିନେତ୍ରୀ ନିୟତି ଫତନାନୀଙ୍କୁ କରିବାକୁ ଯାଉଛନ୍ତି । ସେହିପରି ପୂର୍ବରୁ ଚର୍ଚ୍ଚା ହେଉଥିଲା ଯେ ‘ବିଗବସ 14’ର ବିଜେତା ରୁବିନା ଦିଲୈକଙ୍କୁ ଶୋ’ରେ ସାମିଲ କରିବାକୁ ଯୋଜନା କରିଥିଲେ।
ଯଦି ନିୟତିଙ୍କ ବିଷୟରେ କଥା ହେବା ତାହାଲେ ସେ ପୂର୍ବରୁ ଟିଭି ଶୋ ‘ନଜର’ରେ ସମ୍ପିକା ଭୂମିକାରେ ଅଭିନୟ କରିସାରିଛନ୍ତି । ଏହି ଶୋ ମଧ୍ୟ ଏକତାଙ୍କର ଥିଲା । ପ୍ରକାଶ ଥାଉକି 'ନାଗିନ 6' ପାଇଁ ଅନଲାଇନ୍ ଅଡିଶନ ଚାଲିଛି । ହେଲେ ନିୟତିଙ୍କୁ ମୁଖ୍ୟ ଅଭିନେତ୍ରୀ ଭାବେ ଚୟନ କରିସାରିଛନ୍ତି ମେକର୍ସ।
