ମୁମ୍ବାଇ: ଫେମସ ଆକ୍ଟର ଦିଲଜିତ ଦୋସାଞ୍ଝଙ୍କ ଆଗାମୀ ଫିଲ୍ମ ‘ଗୁଡନ୍ୟୁଜ’ ଆଉ ଦୁଇ ଦିନ ପରେ ଲିଜ ହେବାକୁ ଯାଉଛି। ଏହି ଫିଲ୍ମରେ ସେ ଖିଲାଡି ଅକ୍ଷୟ କୁମାର, କରୀନା କପୁର ଖାନ ଓ କିୟାରା ଆଡଭାନୀଙ୍କ ସହ ନଜର ଆସିବେ। ଏହି କମେଡି ଡ୍ରାମା ଫିଲ୍ମର ଦୁଇଟି ଟ୍ରେଲର ନିକଟରେ ରିଲିଜ ହୋଇଯାଇଛି। ଯାହାକୁ ଖୁବ୍ ପସନ୍ଦ କରିଛନ୍ତି ଦର୍ଶକ। ଇତିମଧ୍ୟରେ ଦିଲଜିତଙ୍କୁ ନେଇ ନୂଆ ଖବର ସାମ୍ନାକୁ ଆସିଛି।
ଯାହା ଶୁଣି ଖୁସି ହୋଇଯିବେ ଫ୍ୟାନ୍ସ। ‘ଗୁଡନ୍ୟୁଜ’ ରିଲିଜ ପୂର୍ବରୁ ତାଙ୍କୁ ଆଉ ଏକ ଗୁଡନ୍ୟୁଜ ମିଳିଛି। ଆଜ୍ଞା ହଁ,ଖୁବଶୀଘ୍ର ସେ ବିଶିଷ୍ଟ ଅଭିନେତା ମନୋଜ ବାଜପେୟୀଙ୍କ ଆଗାମୀ ପାରିବାରିକ କମେଡି ଫିଲ୍ମ ‘ସୁରଜ ପେ ମଙ୍ଗଲ ଭାରି’ରେ ଅଭିନୟ କରିବାକୁ ଯାଉଛନ୍ତି।
ଅଭିଷେକ ଶର୍ମାଙ୍କ ନିର୍ଦ୍ଦେଶିତ ଏହି ଫିଲ୍ମରେ ଦବଙ୍ଗ ଗାର୍ଲ ଫାତିମା ସନା ସେଖ ମଧ୍ୟ ମୁଖ୍ୟ ଭୂମିକାରେ ଅଭିନୟ କରୁଥିବାର ଦେଖାଯିବେ। ଫିଲ୍ମରେ ଦିଲଜିତ ସାମିଲ ହେବା ସୂଚନା ଫିଲ୍ମ କ୍ରିଟିକ ତରଣ ଆଦର୍ଶ ଟ୍ବିଟରରେ ଦେଇଛନ୍ତି। ଏହାସହ ସେ ଫିଲ୍ମ ସୁଟିଂର ମଧ୍ୟ ଘୋଷଣା କରିଛନ୍ତି। ଆସନ୍ତା ବର୍ଷ ଜାନୁଆରୀ 6ରେ ଫିଲ୍ମର ସୁଟିଂ ଆରମ୍ଭ ହେବ।
ଏହି ଅବସରରେ ଅଭିଷେକ କହିଛନ୍ତି ଯେ ଦିଲଜିତ ଓ ମନୋଜଙ୍କ ସହ ସେ ଏକ ଶାନଦାର ଫିଲ୍ମ ନେଇ ପରଦାକୁ ଫେରିବେ । ଏହାସହ ଜି ଷ୍ଟୁଡିଓ ଫିଲ୍ମ ପ୍ରଡକ୍ସନ ହାଉସରେ ସମ୍ପୃକ୍ତ ହେବା କଥାରେ ସେ ଗର୍ବିତ।
