ନୂଆଦିଲ୍ଲୀ: ଅଭିନେତା, ଗାୟକ ଦିଲଜିତ୍ ଦୋସାଞ୍ଝ ଓ କୃତି ସାନନ ଷ୍ଟାରର ଫିଲ୍ମ 'ଅର୍ଜୁନ ପଟିଆଲା'କୁ ବଡ ପରଦାରେ ଦେଖିବାକୁ ଖୁବ୍ ଉତ୍ସାହିତ ଦର୍ଶକ । କିନ୍ତୁ ଏବେ ଯାହା ଜଣାପଡୁଛି ଦର୍ଶକଙ୍କୁ ଆଉ କିଛି ଦିନ ଅପେକ୍ଷା କରିବାକୁ ପଡିବ । କାରଣ ଫିଲ୍ମର ରିଲିଜ ତାରିଖରେ ପରିବର୍ତ୍ତନ କରାଯାଇଛି । ଯେଉଁଠାରେ ଫିଲ୍ମଟି ମେ 3ରେ ରିଲିଜ ହେବାର ଯୋଜନା ରହିଥିଲା ତାହା ବର୍ତ୍ତମାନ ପରିବର୍ତ୍ତନ ହୋଇ ଜୁଲାଇ 19 କରି ଦିଆଯାଇଛି ।
ସବୁଠାରୁ ମଜା କଥା ହେଲା କି ଜୁଲାଇ 19ରେ ବି-ଟାଉନର ଆଉ ଜଣେଷ୍ଟାରକିଡଙ୍କଫିଲ୍ମ ରିଲିଜ ହେବାକୁ ଯାଉଛି । ସେ ଆଉ କେହି ନୁହଁନ୍ତି ସେ ହେଲେ ସନ୍ନି ପାଜୀ ତଥା ଦେଓଲ ଖାନଦାନରପୁଅ କରନ ଦେଓଲ । କରନଙ୍କ ଫିଲ୍ମ 'ପଲ୍ ପଲ୍ ଦିଲ କେ ପାସ୍' ଏକା ଦିନରେ ରିଲିଜ ହେବାକୁ ଯାଉଛି ।
ଫିଲ୍ମ କ୍ରିଟିକ ଏବଂ ଟ୍ରେଡ ଆନାଲିଷ୍ଟ ତରଣ ଆଦର୍ଶ ଏହାର ସୂଚନା ଫ୍ୟାନ୍ସଙ୍କୁ ଏକ ପୋଷ୍ଟ ଜରିଆରେ ଦେଇଛନ୍ତି । ସେ, " New release date for #ArjunPatiala...will now release on 19 july 2019... Stars Diljir Dosanjh, kriti Sanon and Varun Sharma...Directed by Rohit Jugraj... Produced by Bhushan Kumar, Krishan Kumar, Dinesh Vijan and Sandeep Leyzell."
ଏହି ଫିଲ୍ମରେ ଫୁକରେ ଷ୍ଟାର ବରୁଣ ଶର୍ମା ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ଗତ ବର୍ଷ ଫିଲ୍ମର ଫାଷ୍ଟଲୁକ ଜାରି ହୋଇଥିଲା । ଯେଉଁଥିରେ ବରୁଣ ଓ ଦିଲଜିତ ପୋଲିସ ଅବତାରରେ ନଜର ଆସୁଥିବା ବେଳେ ଚେୟାରରେ ବସିଥିବା କୃତି ନିଜ ମୁଣ୍ଡରେ ବନ୍ଧୁକ ଲଗାଇଥିବାର ଦେଖିବାକୁ ମିଳିଥିଲା ।
କୃତି ଏହି ଫିଲ୍ମରେ କ୍ରାଇମ ରିପୋର୍ଟର ରୂପେ ଅଭିନୟ କରୁଥିବାର ନଜର ଆସିବାକୁ ଥିବା ବେଲେ ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ରୋହିତ ଜୁଗରାଜ ।
ଏହି ଫିଲ୍ମରେ ଦିଲଜିତ୍ ଦ୍ବିତୀୟ ଥର ପୋଲିସ ଅଫିସର ହୋଇଛନ୍ତି । ଏହାପୂର୍ବରୁ ସେ ଚର୍ଚ୍ଚିତ ଫିଲ୍ମ 'ଉଡତା ପଞ୍ଜାବ'ରେ ମଧ୍ୟ ପୋଲିସ ଅଫିସର ହୋଇଥିଲେ । ପ୍ରଥମଥର ପାଇଁ କୃତି ଓ ଦିଲଜିତ୍ ଫିଲ୍ମରେ ରୋମାନ୍ସ କରୁଥିବାର ନଜର ଆସିବେ ।
