ମୁମ୍ବାଇ: ଦବଙ୍ଗ ବଏ ସଲମାନ ଖାନଙ୍କ ଆଗାମୀ ଫିଲ୍ମ 'ଦବଙ୍ଗ-3'ର ସୁଟିଂ ବର୍ତ୍ତମାନ ଜୋରସୋରରେ ଚାଲିଛି । ଭାରତର ସଫଳତା ପରେ ସଲମାନ ପୁଣି 'ଦବଙ୍ଗ' ଫିଲ୍ମର ତୃତୀୟ ସିକ୍ବେଲ ଫିଲ୍ମ 'ଦବଙ୍ଗ-3'ର ପ୍ରସ୍ତୁତିରେ ଲାଗିଯାଇଛନ୍ତି । ଫିଲ୍ମରେ ପୁଣି ଅଭିନେତ୍ରୀ ସୋନାକ୍ଷୀ ସିହ୍ନାଙ୍କୁ ସଲମାନଙ୍କ ପତ୍ନୀ ଭୂମିକାରେ ଦେଖିବେ ଦର୍ଶକ । ଏବେ ତାଙ୍କ ପିତା ରୋଲ ପାଇଁ ମେକର୍ସଙ୍କୁ ଅଭିନେତା ମିଳିଯାଇଛନ୍ତି ।
ଆଜ୍ଞା ହଁ, ଫିଲ୍ମରେ ବିଶିଷ୍ଟ ଅଭିନେତା ଧର୍ମେନ୍ଦ୍ର ତାଙ୍କ ପିତା ଭୂମିକାରେ ନଜର ଆସିବେ । ଅନ୍ୟପଟେ କିଛି ଦିନ ହେବ ଶୁଣିବାକୁ ମିଳୁଥିଲା ଯେ ଫିଲ୍ମରେ 80 ଦଶକର ଅଭିନେତ୍ରୀ ଡିମ୍ପଲ କାପଡିୟା ନଜର ଆସିବେ । କିନ୍ତୁ ଏବେ ଶୁଣିବାକୁ ମିଳୁଛି ଯେ ଫିଲ୍ମରେ ଡିମ୍ପଲଙ୍କୁ କାଷ୍ଟ କରାଯିବ ନାହିଁ ।
ଏହାର କାରଣ ହେଲା କି 'ଦବଙ୍ଗ' ଫିଲ୍ମରେ ତାଙ୍କ ଭୂମିକା ନୈନା ଦେବୀଙ୍କ ମୃତ୍ୟୁ ହୋଇ ସାରିଛି । ଅନ୍ୟପଟେ 'ଦବଙ୍ଗ'ର ଦ୍ବିତୀୟ ସିରିଜରେ ସଲମାନଙ୍କ ପିତା ଭୂମିକାରେ ବିନୋଦ ଖାନ୍ନା ନଜର ଆସିଥିଲେ । ଏବେ ଖବର ସାମ୍ନାକୁ ଆସୁଛି ଯେ ମେକର୍ସ ଧର୍ମେନ୍ଦ୍ରଙ୍କୁ ଫିଲ୍ମରେ ସାମିଲ କରିନେଇଛନ୍ତି ।
