ମୁମ୍ବାଇ: ବି-ଟାଉନର ହି-ମ୍ୟାନ ଧର୍ମେନ୍ଦ୍ରଙ୍କ ଦିୱାନା ଆଜି ମଧ୍ୟ କମ ନାହାଁନ୍ତି । ନିଜ ଦମଦାର ଅଭିନୟ ଜରିଆରେ ହଜାର ହଜାର ଦର୍ଶକଙ୍କ ମନ କିଣିଥିଲେ ଧର୍ମେନ୍ଦ୍ର । ଇତି ମଧ୍ୟରେ ସୋସିଆଲ ମିଡିଆରେ ତାଙ୍କର ଏକ ଇମୋସନାଲ ଭିଡିଓ ଭାଇରାଲ ହୋଇଛି । ଯେଉଁଥିରେ ସେ ଖୁବ୍ କାନ୍ଦୁଥିବାର ନଜର ଆସୁଛନ୍ତି । ତାଙ୍କ ଆଖିରେ ଲୁହ ଦେଖି ତାଙ୍କ ପୁଅ ତଥା ଅଭିନେତା ସନ୍ନି ଦେଓଲ ଓ ନାତି କରନ ଦେଓଲ ମଧ୍ୟ ଭାବୁକ ନଜର ଆସିଛନ୍ତି ।
ଧର୍ମେନ୍ଦ୍ରଙ୍କ ଏହି ଭିଡିଓ ଛୋଟ ପରଦାର ସିଙ୍ଗିଂ ଶୋ ‘ସୁପରଷ୍ଟାର ସିଙ୍ଗର’ରୁ ସାମ୍ନାକୁ ଆସିଛି । ଯେଉଁଠାରେ ଧର୍ମେନ୍ଦ୍ର ନାତି କରନଙ୍କ ଡେବ୍ୟୁ ଫିଲ୍ମ ‘ପଲ୍ ପଲ୍ ଦିଲ୍ କେ ପାସ୍’ର ପ୍ରମୋଶନ କରିବାକୁ ପହଞ୍ଚିଥିଲେ ।
ଆଉ ଏହି ଶୋର ହୋଷ୍ଟ ଜୟ ଭାନୁଶାଲୀ ତାଙ୍କୁ ତାଙ୍କ ଗାଁ ସାନେୱାଲର ଭିଡିଓ ଦେଖାଇଥିଲେ । ଯାହାକୁ ଦେଖି କାନ୍ଦି ପକାଇଥିଲେ ଧର୍ମେନ୍ଦ୍ର । ନିଜ ପିଲାବେଳର ସ୍ଥାନକୁ ଦେଖି ଭାବୁକ ହୋଇଉଠିଥିଲେ ଧର୍ମେନ୍ଦ୍ର । ଭିଡିଓ ଶେଷରେ ସେ ଜୟଙ୍କୁ କହିଲେ 'କି ତୁମେ କନ୍ଦାଇ ଦେଲ' ।
ଗାଁର ପୋଲ ପାଖରେ ବସି ସେ ଅଭିନେତା ହେବାର ସ୍ବପ୍ନ ଦେଖୁଥିଲେ । ଗାଁର ମାଟିକୁ ସେ ଖୁବ୍ ପ୍ରେମ କରନ୍ତି । ସାନେୱାଲରେ ତାଙ୍କ ପରିବାର ପାର୍ଟିସନ ପୂର୍ବରୁ ରହୁଥିଲେ ବୋଲି ଭିଡିଓରେ କହୁଥିବାର ନଜର ଆସୁଛନ୍ତି ଧର୍ମେନ୍ଦ୍ର । ଆପଣ ମଧ୍ୟ ଦେଖନ୍ତୁ ଭିଡିଓ...
